ايماقتار • 17 ماۋسىم، 2021

جامبىل وبلىسىندا بەس ادامعا وق اتقان جىگىت قاماۋعا الىندى

2152 رەت كورسەتىلدى

جامبىل وبلىسى ساۋداكەنت اۋىلىندا 22 جاستاعى جىگىت 5 ادامدى اتىپ تاستادى، دەپ حابارلايدى Egemen.kz.

وق تيگەن 20 مەن 24 جاس ارالىعىنداعى جىگىتتەر سارىسۋ اۋداندىق اۋرۋحاناسىنا جەتكىزىلدى. پوليتسيانىڭ مالىمەتىنشە، اۋىل جاستارىنىڭ اراسىندا تەكەتىرەس بولعان. كيكىلجىڭنەن كەيىن  كۇدىكتى ءبىر توپ جىگىتتى 16-شى كاليبرلى قارۋمەن جايراتىپ سالعان. شامامەن 30 مەتر جەردەن اتىلعان بىتىرا 5 جىگىتكە تيگەن. ۇشەۋى قازىر اۋداندىق اۋرۋحانادا ەم قابىلداپ جاتىر. ال قالعان ەكەۋى تاراز قالالىق كوپبەيىندى اۋرۋحاناسىنا جەتكىزىلگەن. وق ەكەۋىنىڭ دە باسىنا ءتيىپ، بىرەۋىنىڭ ميىنا قان قۇيىلعان. قازىر ولار جانساقتاۋ بولىمىندە اۋىر حالدە جاتىر.

«قازىر سوتقا دەيىنگى تەرگەۋ باستالدى. بۇزاقىلىق نيەتپەن «بىرنەشە ادامدى ولتىرۋگە وقتالۋ» بابىمەن ءىس قوزعالدى. بۇل ازاماتتاردىڭ اراسىندا جانجال بولعاندىعى انىقتالدى. سودان كەيىن كۇدىكتى ولارعا قاراي وق اتقان. ول جەدەل ىزدەستىرىلىپ ۇستالدى. قىلمىسىن مويىنداپ، ۋاقىتشا ۇستاۋ يزولياتورىنا قامالدى»، دەدى وبلىستىق پد كريمينالدىق پوليتسيا باستىعى ارداق ءمادىماروۆ.

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار