الماتى قالاسىنىڭ توتەنشە جاعدايلار دەپارتامەنتى 2021 جىلعى 17 ماۋسىمدا جەرگىلىكتى ۋاقىتپەن كۇندىزگى 12:55 مينۋتتا قۇلاقتاندىرۋ جۇيەسىنىڭ توقسان سايىن جۇرگىزىلەتىن جوسپارلى تەحنيكالىق دايىندىعىن تەكسەرىلەتىنىن ءمالىم ەتتى.
«وقۋ جاتتىعۋ ەلەكتر دابىلدارىن قوسۋ ارقىلى «بارشانىڭ نازارىنا!» بىرىڭعاي قۇلاقتاندىرۋ سيگنالىن بەرىپ, تەلە جانە راديو تاراتۋ ارنالارىن اۆتوماتتى تۇردە قامتۋمەن ءبىر ۋاقىتتا حالىققا قۇلاقتاندىرۋ جۇيەسىنىڭ تەحنيكالىق دايىندىعىن تەكسەرۋ جۇرگىزىلىپ جاتقانداعى تۋرالى حابار بەرۋ قاراستىرىلعان. وسىعان بايلانىستى دەپارتامەنت قالا تۇرعىندارى مەن قوناقتارىن سابىر ساقتاۋعا شاقىرادى», - دەپ حابارلادى توتەشە جاعدايلار دەپارتامەتىنەن.
دەپارتامەنتتەگىلەر الماتى قالاسىنىڭ تۇرعىندارى مەن قوناقتارىنان سابىر ساقتاۋدى سۇرايدى.
ەگەر دابىل كەزىندە ءسىز ۇيدە بولساڭىز, وندا:
- راديوقابىلداعىشتى نەمەسە تەلەديداردى قوسىڭىز;
- توتەنشە جاعداي تۋرالى حابارلامانى تىڭداڭىز;
- بەرىلگەن حابارلاماعا سايكەس ارەكەت ەتىڭىز.
ەگەر دابىل كەزىندە كوشەدە بولساڭىز, وندا:
- كوشەدەگى داۋىس زورايتقىشتارمەن جانە ءموبيلدى ەسكەرتۋ قۇرىلعىلارىمەن جىبەرىلگەن توتەنشە جاعداي تۋرالى حابارلاماعا قۇلاق اسىڭىز;
- بەرىلگەن حابارلاماعا سايكەس ارەكەت ەتىڭىز.
