رۋحاني تۋريزم – جاڭعىرۋدىڭ جولى

اتاپ ايتقاندا, جوعارىداعى جوبا اياسىندا سوڭعى ءتورت جىل ىشىندە وڭىرلەردە 4 ملن-نان استام ادامدى قامتىعان 14 802 ءىس-شا­را وتكىزىلىپ, جالپىۇلتتىق ما­­­­ڭىزعا يە 781 كيەلى ورىننىڭ (جال­­پىۇلتتىق ماڭىزى بار 206, جەر­گىلىكتى ماڭىزعا يە 575 نىسان) ءتىزىمى انىقتالۋمەن قاتار, قازاق­ستاننىڭ كيەلى جەرلەرىنىڭ ينتەراكتيۆتى كارتاسى ازىرلەنىپ, ىسكە قوسىلىپتى.

بۇگىنگى تاڭدا جالپىۇلتتىق جانە جەرگىلىكتى نىساندار بويىنشا كيەلى ورىندار ءتىزىمى نەگىزىندە 253 تۋريستىك باعىتتار مەن تۋرلار, سونداي-اق كيەلى نىساندار بويىنشا 128 ارحەولوگيالىق ەكسپەديتسيا ازىرلەنسە, بۇل شارالار ىشكى جانە سىرتقى ءتۋريزمدى دامىتۋ ءۇشىن قولايلى جاعداي جاساۋعا مۇمكىندىك بەرىپ وتىر ەكەن.

وسى ورايدا رەسپۋبليكالىق ماڭىزى بار: قوجا احمەت ياساۋي كەسەنەسى, شوقاي داتقا, بەكەت اتا جەراستى مەشىتى, سيسەم اتا قو­­رىمىنىڭ نىساندارى, ورتاعا­سىر­لىق سارايشىق قالا­شى­عى, ەجەلگى تاراز, تۇر­كىستان, وتىرار, ساۋران, اقىرتاس ساۋلەت-ارحەو­لوگيالىق كەشەنى, اباي قۇنان­باي ۇلىنىڭ مەموريالدىق كەشەنى قاتارلى 71 تاريحي-مادەني ەس­كەرت­كىشكە عىلىمي-رەستاۆ­را­تسيا­­­لاۋ جۇمىستارى جۇرگىزىلسە, وسى ۋاقىت ىشىندە ەلىمىزدىڭ كيەلى بەل­­دەۋىن ناسيحاتتاۋ ماقساتىندا BBC World News تەلەارناسى دايىنداعان «قازاقستاننىڭ كيەلى  جەرلەرىنىڭ گەوگرافياسى», «التىن جاۋىنگەر», «قوجا احمەت ياساۋي جانە ايشا ءبيبى كەسەنەلەرى», «كۇلتەگىن. جاڭا كوزقاراس», امە­ريكالىق Castlefilm كومپانياسى اكتەر مارك داكاسكوستىڭ قاتىسۋىمەن جاساعان «كوش­پەندىلەر جەرى» ءفيلمى كورەر­مەنگە جول تارتتى. بۇل تۋىندى­لار بۇۇ-نىڭ نەگىزگى التى تى­لىن­دە ءسۋبتيترلى دۋب­لياج­بەن جابدىقتالدى. سونداي-اق بۇل تۋىندىلاردى الەمگە تانىمال Discovery, Viasat history, National Geographic تەلەارنالارى ارقىلى دۇنيە ءجۇزىنىڭ 700 ملن-نان استام ادامى تاماشالادى. سونىمەن قاتار قازاقستاننىڭ كيەلى نىساندارىن ناسيحاتتاۋ ماق­ساتىندا 2GIS ەلەكتروندى كار­تاسىنا 71 كيەلى نىسان ەن­گى­زى­­لىپتى.

«سونىمەن قاتار باعدار­لا­ما­نى ىسكە اسىرۋ ماقساتىندا جىل سايىن شامامەن 12 ملن ادامدى قام­تىعان 93 مىڭنان استام ءىس-شارا وتكىزىلسە, 2020 جىلى «تۋعان جەر» جوباسى اياسىندا 52 260 ءىس-شارا ۇيىمداستىرىلىپ, وعان 30 ملن ادام قامتىلىپ وتىر», دەيدى سالا ما­ماندارى.

«رۋحاني جاڭعىرۋ» قازاق­ستان­دىق قوعامدىق دامۋ ينس­تي­­­تۋتى قىزمەتكەرلەرى جول­دا­عان ما­لىمەتكە جۇگىن­سەك, باع­دار­­­­­لا­ما­لىق ءىس-شارالار وسى­مەن تو­قى­راپ قالماي­دى, الدا­عى ۋا­قىت­­تا دا جۇ­يەلى تۇر­دە جال­­عا­سادى. اي­تا­­لىق قا­زاق­ستان رەس­پۋب­­لي­كاسى ۇكىمە­تىنىڭ 2021 جىلعى 9 اقپان­­­داعى №50 قاۋ­لى­سى­مەن «رۋحاني جاڭعىرۋ» باعدارلا­ما­سىن ۇلت­تىق جاڭعىرۋ كەزەڭىنە كو­شى­رۋ جونىندە شەشىم قابىل­­د­ا­نىپ, بيىل­عى جىلعا ار­نال­عان جول كارتاسى ازىرلەنىپ بە­كى­تىلگەن.

بۇل باعىت بويىنشا «تۋعان ەلىڭ – قازاقستانىڭدى بىلەسىڭ بە؟» اتتى رەسپۋبليكالىق وقىرمان بالالار بايقاۋى, كاسىپتىك جۇمىس­تار­دى ناسيحاتتاۋعا باعىت­تالعان WorldSkills Kazakhstan ۇلت­تىق چەمپيوناتى, «وnline مەك­تەپ» جوباسى, «ارامىزداعى با­تىر­لار», «اڭىز دارىگەر» اتتى جوبالاردىڭ سىرتىندا, تاۋەلسىزدىكتىڭ 30 جىل­دى­عى اياسىندا «مەرەيلى وتباسى» كونكۋرس جەڭىمپازدارىنىڭ قاتىسۋىمەن «انا – تىرشىلىكتىڭ نۇرى» فورۋمى, tylek.kz سايتى ار­قىلى وقۋشىلار اراسىندا تۋعان ءوڭى­رىن قولداۋعا باعىتتالعان ءىس-شا­را­لار, سونداي-اق, Ulttyq tárbıe جانە Ruh vision اتتى كە­شەندى جوسپارلارمەن قاتار ء«داس­تۇر مەن عۇرىپ» جوباسى ايا­سىن­­دا تىڭ ىستەر ات­قارىلماق. بۇيىرسا, ەلباسى ۇسىنعان باع­دار­لاما ال­دا­عى جىلدارى دا ءوز جەمىسىن بەرى ءسوزسىز.