قوعام • 16 ماۋسىم، 2021

ەرالى توعجانوۆ: مەديتسينا قىزمەتكەرلەرى 380 مىڭ ادامدى كوروناۆيرۋستان ەمدەپ شىعاردى

17 رەت كورسەتىلدى

پاندەميا كەزىندە ءموبيلدى جاساقتار 750 مىڭ رەت ۇيلەرگە بارىپ جاردەم كورسەتكەن، دەپ حابارلايدى Egemen.kz.

بۇل تۋرالى پرەمەر-ءمينيستردىڭ ورىنباسارى ەرالى توعجانوۆ ەلباسى كىتاپحاناسىندا وتكەن مەديتسينا قىزمەتكەرلەرىمەن كەزدەسۋدە ايتتى.

«پاندەميا كەزىندە مەديتسينا قىزمەتكەرلەرى ءوز دەنساۋلىعىن قاتەرگە تىگە ءجۇرىپ، ۆيرۋسپەن كۇرەستىڭ الدىڭعى شەبىندە بولدى. بۇل جۇمىستىڭ ناتيجەسى – مىڭداعان قۇتقارىلعان ءومىر. پاندەميا كەزىندە 380 مىڭنان استام ادام كوروناۆيرۋس ينفەكتسياسىنان ەمدەلىپ، جازىلىپ شىقتى.

مەديتسينا قىزمەتكەرلەرىنىڭ كۇش-جىگەرىنىڭ ارقاسىندا ەلدەگى ەپيدەميولوگيالىق جاعدايدى تۇراقتاندىرۋعا مۇمكىندىك تۋدى. قىسقا مەرزىم ىشىندە ازاماتتارىمىزدىڭ دەنساۋلىعىن ساقتاۋعا باعىتتالعان ايتارلىقتاي كۇش پەن قاراجات جۇمىلدىرىلدى. قىسقا مەرزىمدە حالىقارالىق ستاندارتتارعا ساي كەلەتىن 16 جۇقپالى اۋرۋلار اۋرۋحاناسى سالىندى»، دەپ اتاپ ءوتتى ۆيتسە-پرەمەر. ۇكىمەت باسشىسىنىڭ ورىنباسارى بۇل كەزەڭدە وڭىرلەرگە 1200-دەن استام سانيتارلىق اۆتوكولىك، 100 جىلجىمالى مەديتسينالىق كەشەن جىبەرىلگەنىن اتادى.

«قىسىلتاياڭ شاقتا 3،6 مىڭنان استام ءموبيلدى بريگادانىڭ جۇمىسى جولعا قويىلدى. وتكەن جىلى ءموبيلدى بريگادالار 750 مىڭنان استام ناۋقاستىڭ ۇيىنە بارىپ قىزمەت كورسەتتى»، دەدى ەرالى توعجانوۆ.


 

سوڭعى جاڭالىقتار

جەڭىس داۋىسى

تاريح • كەشە

ەرتەڭىن ويلاعان ەكپە الادى

كوروناۆيرۋس • كەشە

ۇقساس جاڭالىقتار