وقيعا • 16 ماۋسىم، 2021

ريددەردە كوپقاباتتى ۇيدەن ءورت شىعىپ، 20 ادام ەۆاكۋاتسيالاندى

9 رەت كورسەتىلدى

شىعىس قازاقستان وبلىسى ريددەر قالاسىندا بەسقاباتتى ۇيدەن ءورت شىعىپ، 20 ادام، ونىڭ ىشىندە 5 بالا ەۆاكۋاتسيالاندى، دەپ حابارلايدى Egemen.kz.

شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك، 16 ماۋسىمدا قۇتقارۋشىلارعا كوپقاباتتى تۇرعىن ۇيدەگى پاتەرلەردىڭ ءبىرى ورتەنىپ جاتقانى تۋرالى حابار تۇسكەن.

ءورت سوندىرۋشىلەر وقيعا ورنىنا دەرەۋ جول تارتتى. «بەلگىلى بولعانداي، بەسىنشى قاباتتا ورنالاسقان پاتەردە وت شىققان. قۇتقارۋشىلار جالىندى سوندىرۋگە كىرىسىپ، پودەزدەن تۇرعىنداردى ەۆاكۋاتسيالادى.

گاز-تۇتىننەن قورعاۋ قىزمەتىنىڭ ماماندارى جالپى سانى 20 ادامدى، ونىڭ ىشىندە 5 بالانى قاۋىپسىز جەرگە كوشىردى»، - دەپ حابارلادى ۆەدومستۆو وكىلدەرى. ءورتتى ءبىرىنشى بولىپ بايقاپ قالعان پاتەر يەسىنىڭ اناسى قۇتقارۋشىلاردى شاقىرعان. ول جالىن شارپىعان پاتەردەن 2 نەمەرەسىن الىپ شىقتى.

ء«ورت سوندىرۋشىلەر 13 شارشى مەتر اۋماقتى شارپىعان ءتىلسىز جاۋدى اۋىزدىقتادى. قىزىل جالىننىڭ شىعۋىنا – توڭازىتقىشتىڭ اپاتتىق رەجيمى سەبەپ بولعان. قازا بولعاندار مەن زارداپ شەككەندەر جوق»، دەلىنگەن اقپاراتتا.

سوڭعى جاڭالىقتار

جەڭىس داۋىسى

تاريح • كەشە

ەرتەڭىن ويلاعان ەكپە الادى

كوروناۆيرۋس • كەشە

ۇقساس جاڭالىقتار