قازاقستان • 16 ماۋسىم، 2021

قازاقستان جاستارى ەلەكتروندى كوممەرتسيا داعدىلارىن تەگىن وقيتىن بولادى

8 رەت كورسەتىلدى

قر ساۋدا جانە ينتەگراتسيا مينيسترلىگى مەن BTS Education اراسىنداعى ىنتىماقتاستىق شەڭبەرىندە قازاقستان ستۋدەنتتەرىنە ارنالعان ەلەكتروندى كوممەرتسيا كۋرسى ازىرلەندى، دەپ حابارلايدى Egemen.kz.

ساۋدا جانە ينتەگراتسيا مينيسترلىگى ەلەكتروندى ساۋدانىڭ دامۋىن ىنتالاندىرۋ جانە ونىڭ ۇلەسىن 15%-كە دەيىن كوتەرۋ ماقساتىندا جوسپارلى جۇمىس جۇرگىزۋدە.

اتالعان باعىت بويىنشا ستۋدەنتتەردىڭ باسىم بولىگىنە ەلەكتروندى كوممەرتسيا نەگىزدەرىن وقىتۋعا قاتىستى بەلسەندى جۇمىس قولعا الىندى.

وسىعان بايلانىستى BTS Education كومپانياسى قر ساۋدا جانە ينتەگراتسيا مينيسترلىگىمەن اراداعى مەموراندۋمعا سايكەس قازاقستان جاستارىنا ارنالعان ەلەكتروندى كوممەرتسيا كۋرسىن جاساپ شىعاردى.

كۋرستىڭ ماقساتى – ونلاين اقشا تاپقىسى كەلەتىندەردىڭ بارلىعىن وقىتۋ، ەلەكتروندى كوممەرتسيا ترەندتەرى جايىندا اڭگىمەلەۋ.

كۋرس www.JumysBar.kz پلاتفورماسىندا قولجەتىمدى. قازىرگى ساتتە ينتەرنەتتەگى جەكە بلوگتى جۇرگىزۋ جانە مونەتيزاتسيالاۋ تۋرالى العاشقى شاعىن كۋرس ورىن الىپ ۇلگەردى. كەز كەلگەن قازاقستاندىق وزىنە ىڭعايلى ۋاقىتتا، ونلاين فورماتتا، قالاعان ساتتە قايتالاۋ مۇمكىندىگىمەن، ەلەكتروندى قۇرىلعى كومەگىمەن وقي الادى. سۇرانىسقا يە ماماندىقتى باسىنان باستاپ يگەرۋگە تاماشا مۇمكىندىك بار.    

تاياۋ ۋاقىتتاردا وزەكتى تاقىرىپتار بويىنشا شاعىن كۋرستار توپتاماسىن ىسكە قوسۋ جوسپارلانىپ وتىر. اي سايىن جاڭا داعدىلاردى وقىتاتىن جاڭا شاعىن كۋرس دايىندالىپ، كوپشىلىككە ۇسىنىلماق، ماسەلەن، الەۋمەتتىك جەلىلەردە پاراقشالار جۇرگىزۋ، ينتەرنەت-دۇكەن اشۋ، حالىقارالىق ونلاين الاڭداردا تاۋار ساتۋ جانە ت.ب.  

ءاربىر تەوريالىق ماتەريالدان سوڭ ءوزىن-ءوزى تەكسەرۋ سۇراقتارى اشىلادى.

سونداي-اق ونلاين بيزنەس سالاسىنداعى تابىستى كاسىپكەرلەرمەن سۇحباتتار، وتاندىق بيزنەسمەندەردىڭ جەتىستىككە جەتۋ تاريحى جاريالاناتىن بولادى.  

سوڭعى جاڭالىقتار

جەڭىس داۋىسى

تاريح • كەشە

ەرتەڭىن ويلاعان ەكپە الادى

كوروناۆيرۋس • كەشە

ۇقساس جاڭالىقتار