12 ماۋسىمىندا شىمكەنت قالاسى پوليتسيا دەپارتامەنتى ءال-فارابي اۋدانى پوليتسيا باسقارماسىنا جەرگىلىكتى تۇرعىن ارىزدانعان. ول ءوز ارىزىندا بەلگىسىز ادام اسكەرگە بارماي, «اسكەري بيلەت» الىپ بەرەمىن دەپ الاياقتىق جولمەن سەنىمىنە كىرىپ, 80 مىڭ تەڭگە اقشاسىن ءوزىنىڭ ەسەپ شوتىنا اۋدارىپ الىپ, العان قارجىسىن كەرى قايتارماي جۇرگەنىن جازىپ كورسەتكەن.
شىمكەنت قالاسى پد ءال-فارابي اۋداندىق پوليتسيا باسقارماسى كريمينالدىق پوليتسيا ءبولىمىنىڭ قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ بارىسىندا جەرگىلىكتى تۇرعىندى انىقتاپ, ۇستادى. تەكسەرۋ جۇمىستارى جۇرگىزىلۋدە.
