پرەزيدەنت • 16 ماۋسىم، 2021

قاۋىپسىزدىك كەڭەسىندە بالالاردىڭ قۇقىقتارىن قورعاۋ ماسەلەسى قارالدى

14 رەت كورسەتىلدى

قاۋىپسىزدىك كەڭەسىنىڭ اپپاراتىندا بالالاردىڭ قاۋىپسىزدىگىن قامتاماسىز ەتۋ جانە قۇقىقتارىن قورعاۋ ماسەلەلەرى قارالدى، دەپ حابارلايدى Egemen.kz اقورداعا سىلتەمە جاساپ.

مەملەكەت باسشىسى قاسىم-جومارت توقاەۆ 2020 جىلعى 1 قىركۇيەكتەگى «جاڭا جاعدايداعى قازاقستان: ءىس-قيمىل كەزەڭى» اتتى قازاقستان حالقىنا جولداۋىندا بالالاردىڭ قاۋىپسىزدىگى مەن قۇقىقتارىن قورعاۋ ماسەلەلەرىنە ەرەكشە نازار اۋدارۋدى، كامەلەتكە تولماعاندارعا قاتىستى زورلىق-زومبىلىققا بايلانىستى تەرگەلىپ جاتقان ءاربىر ءىستى باقىلاۋدى قامتاماسىز ەتۋدى تاپسىردى.

وسى باعىتتاعى جۇمىستاردىڭ قازىرگى جاعدايىن تالقىلاۋ جانە ونى جەتىلدىرۋ شارالارىن ازىرلەۋ ماقساتىمەن پرەزيدەنتتىڭ كومەكشىسى – قاۋىپسىزدىك كەڭەسىنىڭ حاتشىسى اسەت يسەكەشەۆتىڭ توراعالىعىمەن كەڭەس ءوتتى.

جيىنعا بالا قۇقىقتارى جونىندەگى ۋاكىل ارۋجان ساين، جوعارعى سوتتىڭ، باس پروكۋراتۋرانىڭ، ىشكى جانە سىرتقى ىستەر، ادىلەت، ءبىلىم جانە عىلىم مينيسترلىكتەرىنىڭ وكىلدەرى قاتىستى.

كامەلەتكە تولماعاندارعا قاتىستى زورلىق-زومبىلىققا، بالالار ساۋداسىنا قارسى ءىس-قيمىلداردى، سونداي-اق، بالالار ۇيلەرى مەن ينتەرناتتاردا ءتيىستى جاعدايلاردى قامتاماسىز ەتۋ ماسەلەلەرى قاراستىرىلدى.

كەڭەس قورىتىندىسى بويىنشا قاۋىپسىزدىك كەڭەسىنىڭ اپپاراتى جانىنان بالالاردىڭ قۇقىقتارى مەن زاڭدى مۇددەلەرىن قورعاۋ، كامەلەتكە تولماعاندارعا قاتىستى قىلمىستىق قول سۇعۋشىلىقتىڭ الدىن الۋ جانە جولىن كەسۋ جونىندەگى بارلىق ۋاكىلەتتى ورگانداردىڭ قىزمەتىن ۇيلەستىرۋ ءۇشىن تۇراقتى ۆەدومستۆوارالىق جۇمىس توبىن قۇرۋ تۋرالى شەشىم قابىلداندى.

سونىمەن قاتار كامەلەتكە تولماعانداردىڭ جىنىستىق تيىسپەۋشىلىك قۇقىعىنا قارسى قىلمىس جاساعانى ءۇشىن جازاسىن وتەگەننەن كەيىن تۇرمەدەن بوساتىلعان ادامداردى باقىلاۋعا جانە ەسەپكە الۋدى قامتاماسىز ەتۋ ءۇشىن مەملەكەتتىك ورگاندارعا قوسىمشا شارالار قابىلداۋ تاپسىرىلدى.

سوڭعى جاڭالىقتار

جەڭىس داۋىسى

تاريح • بۇگىن، 23:43

سۋرەتشى ساياساتكەر

ونەر • بۇگىن، 23:17

تورتەۋ تۇگەل بولسا...

TOKYO2020 • بۇگىن، 23:10

ەل ەلەناعا ەلەڭدەپ ەدى...

TOKYO2020 • بۇگىن، 22:59

قايتا ورالعان قولجازبالار

ونەر • بۇگىن، 22:16

ەرتەڭىن ويلاعان ەكپە الادى

كوروناۆيرۋس • بۇگىن، 16:53

ۇقساس جاڭالىقتار