ەستەرىڭىزگە سالا كەتەيىك, 2021 جىلدىڭ 3 قاڭتارىندا مەملەكەت باسشىسى قاسىم-جومارت توقاەۆتىڭ تاپسىرماسىمەن «قوعامدىق كەڭەستەر تۋرالى» زاڭعا بىرقاتار تۇزەتۋلەر ەنگىزىلىپ, ولاردىڭ مۇشەلەرىنىڭ قۇقىقتارى مەن مىندەتتەرى ايتارلىقتاي كەڭەيگەن. ولار ساتىپ الۋ كوميسسيالارىنىڭ جۇمىسىنا قوعامدىق كەڭەستەردىڭ مۇشەلەرىن تارتۋدى كوزدەيدى.
اقپارات جانە قوعامدىق دامۋ مينيسترلىگىنىڭ قوعامدىق كەڭەستەر قىزمەتى سالاسىنداعى سالاارالىق ۇيلەستىرۋدى جۇزەگە اسىراتىن ۋاكىلەتتى مەملەكەتتىك ورگان رەتىندەگى مونيتورينگى قوعام بەلسەندىلەرىنىڭ ۇيىمداستىرۋ جانە وتكىزۋ قاعيدالارىنىڭ ەرەجەلەرىن ەسكەرە وتىرىپ, قوعامدىق باقىلاۋ نىساندارىنا كىرىسكەنىن كورسەتەدى.
مىسالى, قارجىلىق مونيتورينگ اگەنتتىگى قوعامدىق كەڭەسىنىڭ مۇشەلەرى 5 كونكۋرستىق كوميسسيانىڭ جۇمىسىنا قاتىستى, ال وتىن-ەنەرگەتيكا كەشەنى ماسەلەلەرى جونىندەگى قوعامدىق كەڭەستىڭ مۇشەلەرى ەنەرگەتيكا مينيسترلىگىنىڭ 14 مەملەكەتتىك ساتىپ الۋىن جۇزەگە اسىرۋعا قاتىستى.
سونداي-اق بۇگىندە اگروونەركاسىپتىك كەشەن, ىشكى ىستەر ورگاندارىنىڭ قىزمەتى, مەملەكەتتىك قارجى ماسەلەلەرى جونىندەگى قوعامدىق كەڭەستەردىڭ مۇشەلەرى اۋىل شارۋاشىلىعى, ىشكى ىستەر جانە قارجى مينيسترلىكتەرىنىڭ مەملەكەتتىك ساتىپ الۋ جونىندەگى كونكۋرستىق كوميسسيالارىنىڭ قۇرامىنا ەندى.
سونىمەن قاتار جۇمىس ەلىمىزدىڭ وڭىرلەرىندە دە جۇرگىزىلۋدە. وسىلايشا, مەملەكەتتىك ساتىپ الۋ پروتسەسىنىڭ اشىقتىعى مەن وبەكتيۆتىلىگىن قامتاماسىز ەتۋ ءۇشىن قوعامدىق كەڭەستەردىڭ مۇشەلەرى جامبىل جانە الماتى وبلىستارىنىڭ كونكۋرستىق كوميسسيالارىنىڭ قۇرامىنا كىردى.
بۇدان باسقا, قوعامدىق كەڭەستەر كۆازيمەملەكەتتىك سەكتور سۋبەكتىلەرىن قوسپاعاندا, مەملەكەتتىك كاسىپورىنداردىڭ, مەملەكەت باقىلايتىن اكتسيونەرلىك قوعامدار مەن جاۋاپكەرشىلىگى شەكتەۋلى سەرىكتەستىكتەردىڭ دامۋ جوسپارلارىنىڭ ىسكە اسىرىلۋ مونيتورينگىنىڭ ناتيجەلەرى تۋرالى ەسەپتەردى تالقىلاۋدى تاجىريبەگە ەنگىزدى.
دەنساۋلىق ساقتاۋ, مەملەكەتتىك قارجى, وتىن-ەنەرگەتيكالىق كەشەن ماسەلەلەرى جونىندەگى قوعامدىق كەڭەستەردە «سق-فارماتسيا» جشس, «ەلەكتروندىق قارجى ورتالىعى» اق, «اقپاراتتىق-ەسەپتەۋ ورتالىعى» اق, «ۇلتتىق يندۋستريالىق مۇناي-حيميا تەحنوپاركى» اەا, «مۇناي جانە گاز اقپاراتتىق-تالداۋ ورتالىعى» اق سياقتى ۆەدومستۆولىق باعىنىستى ۇيىمداردىڭ ەسەپتەرى تىڭدالىپ, ولاردىڭ قورىتىندىلارى بويىنشا ءتيىستى ۇسىنىمدار بەرىلدى.
