الدىمەن «جۇرەك جىلۋى» اكتسياسىنىڭ كەڭىنەن قولداۋ تاۋىپ, كوڭىلى دارقان, قولى اشىق ادامداردىڭ باسىن بىرىكتىرىپ, جاقسىلىق جاساۋعا ۇيىتقى بولعانىن ايتا كەتكەن ءلازىم. ازىق-ت ۇلىك باعاسى قىمباتتاپ, ەلدى ابىرجىتىپ وتىرسا دا, كوپ قامىن ويلاعان ازاماتتار قولدا بارىمەن ءبولىسىپ, ءبىرىن-ءبىرى دەمەۋدە. وسى ءبىر جاقسى جورالعى بىرلىكتى نىعايتا تۇسۋدە. بىرلىك بار جەردە قانداي قيىندىقتى بولسىن ەلدىڭ ەڭسەرىپ شىعاتىنىنا سەنىم مول.
زەرەندى اۋدانىندا ەرىكتىلەر شاما-شارقىنشا قاراجات جيناپ, جالعىزىلىكتى 70 زەينەتكەرگە ازىق-ت ۇلىك سەبەتتەرىن تاراتتى. ارينە قارا سۋعا قامالىپ وتىرماعانىمەن, جەرلەستەرىنىڭ وزدەرىن ەلەپ-ەسكەرىپ, سالەم بەرىپ كەلگەنىنە قارتتار جاعى كادىمگىدەي قۋانىپ قالدى. وزگەگە ۇلگى بولار ونەگەلى ءىس اۋداندا ءالى دە جالعاسۋدا.
«مەيىرىم» قورىنىڭ دا جاقسىلىق جاساۋدان جارىسقا تۇسكەندەي كەڭپەيىلدىلىك كورسەتۋى جاراسىمدى. قورعا جينالعان قاراجاتقا ولار ەكى وتباسىنىڭ قىسقى وتىن-كومىرىن ساتىپ الىپ بەردى. الەۋمەتتىك جاعىنان از قامتىلعان ون شاقتى وتباسىنا قارجىلاي كومەك كورسەتتى. وسى ورايدا اۋداندا قولعا الىنعان «مۇقتاج جاندارعا سىيلىق» قايىرىمدىلىق اكتسياسى تۋرالى بولە-جارا ايتا كەتۋگە بولادى. ەرىكتىلەر اكتسيا اياسىندا ونداعان وتباسىندا بولىپ, ماتەريالدىق كومەك كورسەتتى.
جاقسى ءىس ءوڭىردىڭ وزگە اۋداندارىندا دا كەڭىنەن ورىستەۋدە. ايتالىق, قورعالجىن اۋدانىنىڭ ەرىكتىلەرى الەۋمەتتىك جاعىنان از قامتىلعان ادامدارمەن بىرگە مۇمكىندىگى شەكتەۋلى جانداردى دا نازاردان تىس قالدىرماي, كومەك كورسەتۋدە. تاياۋدا ولار ەستۋ قابىلەتى تومەن ءبىر ادامعا قۇنى 500 مىڭ تەڭگە تۇراتىن اپپارات ساتىپ الىپ, سىيعا تارتتى. ساندىقتاۋ اۋدانىنداعى بىرلىك سەلولىق وكرۋگىندە دە قايىرىمدىلىقتىڭ قانات جايىپ تۇرعانى وزگەگە جاقسى مىسال. وسىنداعى «بالكاشين» سەرىكتەستىگىنىڭ قۇرىلتايشىسى اتلان دوكاەۆ جالپى قۇنى 1 ملن 720 مىڭ تەڭگە تۇراتىن 215 قاپ ۇندى تۇرعىندارعا تەگىن تاراتىپ بەرىپ, العىس ارقالاعان جايى بار.
ەل ىشىندەگى بىرلىكتى نىعايتۋعا سەپتەسەتىن ء«بىز بىرگەمىز» اكتسياسى اياسىندا دا قانشاما قايىرىمدىلىق شاراسى قولعا الىنۋدا. بۇل ارادا ءبىر عانا مىسال كەلتىرە كەتەلىك, ستەپنوگورسك قالاسىنداعى «دارىگەر plus» مەديتسينا ورتالىعى وبلىستىق ءماسليحات دەپۋتاتتارىمەن بىرلەسە وتىرىپ, مۇمكىندىگى شەكتەۋلى بالالارىن باعىپ وتىرعان وتباسىلاردى جۇرەك جىلۋىمەن جادىراتتى. ولارعا ءتاتتى تاعامدارمەن بىرگە ازىق-ت ۇلىك تە تاراتىلدى. 8 وتباسىنا 80 مىڭ تەڭگە كولەمىندە كومەك كورسەتىلدى.
جەر-جەردەگى جۇرەك جىلۋىمەن بولىسەتىن قايىرىمدى ادامداردىڭ قارەكەتى بارشا قاۋىمنىڭ كوڭىلىن دەمدەپ, كەلەر كۇندەرگە دەگەن ءۇمىت وتىن لاۋلاتىپ وتىر.
اقمولا وبلىسى
