– وتكەن 8 ماۋسىمدا وپەرا ترۋپپامىز تولىق قالىپتاستى, ەندى وسى ۋاقىت ارالىعىندا سوليستەردىڭ ۆوكالدىق قالىبىن ساقتاۋعا كۇش سالامىز. تەاتر – كاسىبي ساحنا, وعان جەڭىل قاراۋعا بولمايدى. سوندىقتان ونەرپازدار جوعارى دەڭگەيدە بولۋى ءۇشىن وعان دامۋ قاجەت, سول ءۇشىن باسشىلىق ولارعا ءتۇرلى شەبەرلىك ساباقتارىن ۇيىمداستىرىپ تۇرادى. ماسەلەن, وپەرا ترۋپپامىزبەن بىرنەشە رەت پروفەسسور, يتاليالىق كوۋچ اللا سيمونيشۆيلي, اتاقتى ماەسترو دجۋزەپپە اكۋاۆيۆا جانە تاعى باسقا تالانتتى تۇلعالار جۇمىس ىستەدى. اناتولي الەكسەەۆيچ گۋسەۆتىڭ دە ورنى بولەك, ۇستازدىق تاجىريبەسى مول, ونىڭ شاكىرتتەرى حالىقارالىق دەڭگەيدە وتە تانىمال. ەندى ءبىزدىڭ سوليستەر دە ونىمەن جۇمىس ىستەۋ مۇمكىندىگىنە يە بولدى, − دەپ اتاپ ءوتتى وپەرا ترۋپپاسىنىڭ ديرەكتورى, پروفەسسور, قازاقستاننىڭ ەڭبەك سىڭىرگەن قايراتكەرى ازامات جىلتىركوزوۆ.
قازىرگى كۇنى اناتولي گۋسەۆ ميلاندا تۇرادى, سوندا وپەرالىق ءان ايتۋ مەكتەبىنىڭ نەگىزىن قالاعان. سونىمەن بىرگە ول Siberian Solo جاس ۆوكاليستەردىڭ شىعارماشىلىق زەرتحاناسىنىڭ ۇستازدار توبىنا ەنگەن, قازىلار القاسىنىڭ مۇشەسى رەتىندە حالىقارالىق جانە يتاليالىق ۆوكالدىق بايقاۋلارعا ءجيى قاتىسادى.
– بۇل مەنىڭ «استانا وپەراعا» ءتورتىنشى كەلۋىم. ءبىر جاعىنان, جۇمىس قاراپايىم, ال ەكىنشى جاعىنان – كۇردەلى. كۇن سايىن 7-8 سوليستپەن تەحنيكالىق دايىندىق, ءستيلدى تۇزەتۋ, وپەرالاردىڭ يتاليالىق, فرانتسۋزدىق ماتىندەرىن ايتۋى بويىنشا دايىندالامىز. كەيبىر انشىلەر جوعارى نوتالاردى, كەيبىرى تومەنگىسىن الا الماي جاتادى. بەلگىلى ءبىر سوليستەرمەن رەچيتاتيۆ بويىنشا جۇمىس ىستەيمىز. سونداي-اق ماعان الداعى ۋاقىتتا دج.ۆەرديدىڭ «تراۆياتا» وپەراسىنا سوليستەردىڭ ەكى قۇرامىن دايىنداۋ جۇكتەلدى. الداعى 20 ماۋسىمدا «استانا وپەراعا» شاكىرتىم – نەاپوليتاندىق سوپرانو ەلەنا سومما مەن دومودوسسولا قالاسىنان ءانشى, ليريكالىق باريتون ماتتيا روسسي كەلەدى. ول وسى تەاتر ساحناسىندا گ.دونيتسەتتيدىڭ «ماحاببات سۋسىنى» وپەراسىندا سەرجانت بەلكورەنىڭ پارتياسىندا دەبيۋت جاسايدى. ەلەنا سومما اتالعان وپەراداعى ادينانىڭ ءرولىن ورىندايدى. تاعى ءبىر دارىندى شاكىرتىمنىڭ ءبىرى – مىقتى باريتون بادرال چۋلۋنبااتار دج.ۆەرديدىڭ «ايدا» وپەراسىندا اموناسرونىڭ ءرولىن سومداسا, تەنور سايان يسين «ايدا» وپەراسىنداعى رادامەستىڭ پارتياسىن شىرقايدى. ال «استانا وپەرا» سوليستەرى بار كۇش-جىگەرىمەن ىزدەنىپ, قۇشتارلىقپەن ەڭبەك ەتىپ جاتىر, ولارعا كومەكتەسىپ جاتقانىما ءدان ريزامىن. ءبىز ءومىر بويى ءبىلىم الامىز, ال ۆوكاليست ءوز-ءوزىن ۇنەمى جەتىلدىرىپ وتىرماسا قيىن. جىل ساناپ داۋىسىمىز وزگەرەدى, سول سەبەپتى ءبىز دە سوعان قاراي قايتا وزگەرۋىمىز قاجەت, بۇل – توقتاۋسىز جۇمىس ءۇردىسى, – دەدى ا.گۋسەۆ.
