الماتى وبلىسى ەڭبەكشىقازاق اۋدانىنىڭ №2 اۋداندىق سوتىندا 2 ناۋرىز كۇنى ماس كۇيىندە ءتورت وقۋشى قىزدى قاعىپ كەتكەن اسەت دەمەسىنوۆكە قاتىستى ۇكىم شىعارىلدى. زارداپ شەككەن قىزدار 8-9 جاستا بولاتىن. ولاردىڭ ەكەۋى قايتىس بولدى, ءۇشىنشىسى اۋرۋحاناعا ءتۇستى, ونىڭ دەنساۋلىعىنا ورتاشا اۋىرلىق دارەجەسىندە جاراقات كەلگەن. پروكۋرور سوتتالۋشىنى كولىك قۇرالىن باسقارۋ قۇقىعىنان ءومىر بويىنا ايىرا وتىرىپ, 10 جىلعا باس بوستاندىعىنان ايىرۋ جازاسىن تاعايىنداۋدى سۇرادى. جازا تاعايىنداۋ كەزىندە سوت دەمەسىنوۆتىڭ شىن جۇرەكتەن وكىنىش ءبىلدىرۋىن, ونىڭ مىنەز-قۇلقىن جانە كەلتىرىلگەن زياندى تولىق وتەۋىن ەسكەردى.
سوت سونداي-اق زارداپ شەككەن تاراپتىڭ ەر ادامدى كەشىرمەگەنىن, وعان زاڭعا سايكەس قاتاڭ جازا سۇراۋىن ەسكەردى.
ناتيجەسىندە سوت كولىك جۇرگىزۋ قۇقىعىنان ءومىر بويىنا ايىرا وتىرىپ, 10 جىلعا باس بوستاندىعىنان ايىرۋ تۇرىندەگى ەڭ اۋىر جازانى تاعايىندادى. سوت جابىرلەنۋشىلەردىڭ بىرەۋىنىڭ تالاپتارىن قاناعاتتاندىردى, دەمەسىنوۆ قايتىس بولعان قىزدىڭ اناسىنا 10 ميلليون تەڭگە كولەمىندە مورالدىق شىعىن تولەۋى كەرەك.
