ايماقتار • 15 ماۋسىم، 2021

مەكتەپتەر مەن بالاباقشالارعا باراتىن جولداردىڭ جارىق بولۋى شارت – مۇرات ايتەنوۆ

61 رەت كورسەتىلدى

شىمكەنت قالاسىنىڭ اكىمى مۇرات ايتەنوۆ مەملەكەتتىك-جەكەشەلىك ارىپتەستىك اياسىندا كوشەلەردى جارىقتاندىرۋ  بويىنشا اتقارىلعان جۇمىستاردىڭ ەسەبىن تىڭدادى، دەپ حابارلايدى Egemen.kz.

جالپى، شىمكەنت قالاسى بويىنشا ورتالىق ماڭىزى بار 747 كوشەنىڭ (1758 شاقىرىم) 220 كوشەسى (516،7 شاقىرىم) جارىقتاندىرىلعان.

وتكەن جىلى 43 كوشە (87 شاقىرىم) جارىقتاندىرىلىپ، قامتۋ كورسەتكىشى 25،5 %-دان 29،5 %-عا ءوستى. سونىمەن قاتار، مەملەكەتتىك جەكەشەلىك ارىپتەستىك اياسىندا 2021-2023 جىلدارى 303 كوشەنى  (520 شاقىرىم) جارىقتاندىرۋ جوسپارلانىپ وتىر.

«كوشەلەردى جارىقتاندىرۋ قالامىزدىڭ تۇنگى كوركىن اشا تۇسەتىنى ءسوزسىز. كوركىنەن بۇرىن حالىقتىڭ كوڭىل كۇيى مەن قاۋىپسىزدىگى ءۇشىن اسا ماڭىزدى. اسىرەسە مەكتەپتەر مەن بالاباقشالارعا باراتىن جولداردىڭ جارىق بولۋى شارت. وسىنى ەستەن شىعارماڭىزدار. جۇمىستاردى ۋاقىتىلى ءارى ساپالى ورىنداۋدى تاپسىرامىن جانە قاداعالاپ وتىرامىن»، دەدى قالا اكىمى.

2021-2023 جىلدارعا ارنالعان جارىقتاندىرۋ جوباسىنىڭ قۇنى – 16،4 ملرد تەڭگە.  جوبا اياسىندا ەنەرگيا ۇنەمدەيتىن LED شامدارىن سونداي-اق، توزعان باعانالاردى جاڭاسىنا اۋىستىرۋ 100 %-عا ورىندالىپ، ديسپەتچەرلىك ورتالىق قۇرۋ ارقىلى ءبىر ورتالىقتان باسقارۋعا قول جەتكىزىلمەك.

اتقارىلعان جۇمىستار ناتيجەسىندە قالادا جارىقتاندىرۋ كورسەتكىشى 70 %-عا جەتەتىن بولادى.

سوڭعى جاڭالىقتار

«ساتەمىر حان» كىم؟

رۋحانيات • بۇگىن، 23:30

«ەسىل وزەن»

ونەر • بۇگىن، 23:22

تسەنزور دەگەن بولعان...

قوعام • بۇگىن، 23:12

تاسادا قالعان تۇلعا

تاريح • بۇگىن، 22:55

ساحنا سۋرەتكەرى

ونەر • بۇگىن، 22:30

ەرتەڭ ۇكىمەت وتىرىسى وتەدى

ۇكىمەت • بۇگىن، 15:00

ۇقساس جاڭالىقتار