قوعام • 15 ماۋسىم، 2021

الماتىدا ءۇنسىز ميتينگ وتەدى

27 رەت كورسەتىلدى

الماتىدا جانۋارلاردى قورعاۋعا باعىتتالعان ءۇنسىز ميتينگ وتەدى، دەپ حابارلايدى Egemen.kz.

2021 جىلى 4 شىلدەدە ساعات 14:00-16:00 ارالىعىندا ماحاتما گاندي ساياباعىندا (جاروكوۆ - شەۆچەنكو - گاگارين - جامبىل كوشەلەرىندە ورنالاسقان) ميتينگ وتەدى.

جيىننىڭ ماقساتى - جانۋارلارعا قاتىگەزدىك كورسەتۋ ماسەلەسىنە قوعام مەن مەملەكەتتىڭ نازارىن اۋدارۋ. 

بەلسەندىلەر بيلىكتەن «جانۋارلاردى قورعاۋ تۋرالى» زاڭدى قابىلداۋدى، اتاپ ايتقاندا جانۋارلارعا دەگەن قاتىگەز كوزقاراستى جويۋدى سۇرايدى.

«ميتينگ فورماتى پلاكاتتار مەن باننەرلەردىڭ كومەگىمەن ءوز پوزيتسياسىن ءبىلدىرۋدى قاراستىرادى. ميتينگ كەزىندە ءان، ۇران ايتۋعا تىيىم سالىنادى. شەرۋ جاساپ، ادامدار ءسوز سويلەيتىن ميتينگىنى ۇيىمداستىرۋ ءۇشىن ءوتىنىشتى زاڭدى قۇرىلعان ۇيىم عانا جازا الادى. ياعني، قوعامدىق قور بولۋ قاجەت. مۇنداي وتىنىشتە قور تۋرالى دەرەكتەر، ۇيىمنىڭ بيۋدجەتى قايدان الىناتىنىن كورسەتۋ قاجەت.

ءبىز قاراپايىم جاناشىر ادامدارمىز، بىزدە قور، قارجىلاندىرۋ جوق. ءبىزدىڭ ارەكەتىمىز - ءوز قۇلشىنىسىمىز. ميتينگ ۇيىمداستىرۋ ءۇشىن قورلارعا جۇگىنگەنبىز. ازىرگە بۇل يدەيا قولداۋ تاپپادى»، دەدى ۇيىمداستىرۋشىلار.

مۇنداي ميتينگىلەردى جىلىنا بىرنەشە رەت تۇراقتى وتكىزۋ جوسپارلانىپ وتىر.

سوڭعى جاڭالىقتار

«ساتەمىر حان» كىم؟

رۋحانيات • كەشە

«ەسىل وزەن»

ونەر • كەشە

تاسادا قالعان تۇلعا

تاريح • كەشە

ساحنا سۋرەتكەرى

ونەر • كەشە

ۇقساس جاڭالىقتار