قازاقستان • 15 ماۋسىم، 2021

كاسىپورىنداردا جازاتايىم وقيعادان 564 ادام زارداپ شەكتى

15 رەت كورسەتىلدى

قر پرەمەر-ءمينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا كاسىپورىنداردا قاۋىپسىز ەڭبەك جاعدايلارىن قامتاماسىز ەتۋ شارالارى قارالدى، دەپ حابارلايدى Egemen.kz.

بيىل جىل باسىنان بەرى وندىرىستىك جاراقاتتانۋ دەڭگەيى 1 مىڭ ادامعا 0،08 قۇرادى (2020 جىلعى 5 ايدا – 0،07). وسى جىلعى قاڭتار-مامىردا رەسپۋبليكا كاسىپورىندارىندا جازاتايىم وقيعالاردىڭ سالدارىنان 564 ادام زارداپ شەكتى، ونىڭ 19،5%-ى تاۋ-كەن مەتاللۋرگيا كەشەنى كاسىپورىندارىندا، 4،5%-ى كوممۋنالدىق شارۋاشىلىقتا جانە 10%-ى – قۇرىلىس سالاسىندا. وندىرىستىك جاراقاتتانۋدىڭ جوعارى دەڭگەيى قاراعاندى، شىعىس قازاقستان جانە اقتوبە وبلىستارىندا ساقتالۋدا. بۇل كورسەتكىشتىڭ تومەندەۋىنىڭ وڭ سەرپىنى قوستاناي جانە پاۆلودار وبلىستارىندا بايقالادى.

وتىرىستا قاۋىپسىز ەڭبەكتى قامتاماسىز ەتۋ جونىندەگى 2025 جىلعا دەيىنگى ءىس-قيمىل جوسپارى بەكىتىلدى. قۇجات تاۋەكەلگە باعدارلانعان ءتاسىل نەگىزىندە ەڭبەكتى قورعاۋدى باسقارۋدىڭ ۇلتتىق جۇيەسىن جاڭعىرتۋدى، جۇمىس ورىندارىندا كاسىپتىك تاۋەكەلدى ازايتۋ بويىنشا جۇمىس بەرۋشىلەردى ەكونوميكالىق ىنتالاندىرۋ جونىندە ۇسىنىستار ازىرلەۋدى، ەڭبەكتى قورعاۋ سالاسىنداعى كاسىپتىك بىلىكتىلىك پەن عىلىمي الەۋەتتى، الەۋمەتتىك ارىپتەستىكتى دامىتۋدى كوزدەيدى. جوسپاردى ىسكە اسىرۋ ناتيجەسىندە وندىرىستىك جاراقاتتانۋ 10%-عا، زياندى ەڭبەك جاعدايلارىندا جۇمىس ىستەيتىن جۇمىسكەرلەر سانى 20%-عا دەيىن تومەندەيدى دەپ بولجانعان.

«وندىرىستىك كاسىپورىنداردا حالىقارالىق «Vizion Zero» نولدىك جاراقاتتانۋ تۇجىرىمداماسىن بەلسەندى ەنگىزۋ قاجەت. ءاربىر جاراقاتتانۋ جاعدايى توتەنشە جاعدايلار مينيسترلىگىندە مۇقيات تالدانىپ، قورىتىندىسى بويىنشا ولاردى بارىنشا ازايتۋ ءۇشىن كەشەندى شارالار ازىرلەنۋى ءتيىس. حالىقارالىق ستاندارتتارعا سايكەس كەلەتىن كاسىبي سىن-تەگەۋرىندەردى باعالاۋ جانە باسقارۋ جۇيەسىن ەنگىزۋ قاجەت»، دەدى ا. مامين.

پرەمەر-مينيستر تاۋ-كەن مەتاللۋرگيا كەشەنى مەن قۇرىلىس سالاسى كاسىپورىندارىنا ەرەكشە نازار اۋدارا وتىرىپ، وندىرىستىك جاراقاتتانۋدى ازايتۋ جونىندەگى جۇمىستى جانداندىرۋ قاجەت ەكەنىن اتاپ ءوتتى.

ۇكىمەت باسشىسى وسى جىلدىڭ 1 جەلتوقسانىنا دەيىن جۇمىس بەرۋشىلەر ءۇشىن ەڭبەك قاۋىپسىزدىگى تالاپتارىنا سايكەستىك بويىنشا ءوزىن-ءوزى باقىلاۋعا ونلاين-پلاتفورما ازىرلەۋدى، سونداي-اق ۇكىمەتتىڭ قاراۋىنا ەڭبەك جاعدايلارىن جاقسارتۋدا جۇمىس بەرۋشىلەردى ەكونوميكالىق ىنتالاندىرۋدى ارتتىرۋ تۇرعىسىنان زاڭنامانى جەتىلدىرۋ بويىنشا ۇسىنىستار ەنگىزۋدى تاپسىردى.

توتەنشە جاعدايلار مينيسترلىگىنە مۇددەلى مەملەكەتتىك ورگاندارمەن بىرلەسىپ، وسى جىلدىڭ 1 قىركۇيەگىنە دەيىن قاۋىپتى وندىرىستىك وبەكتىلەردەگى اپاتتىلىقتى ازايتۋ جونىندەگى جول كارتاسىن بەكىتۋ تاپسىرىلدى.

وڭىرلەردىڭ اكىمدىكتەرىنە دە كاسىپورىندارمەن بىرلەسىپ، بيىلعى 1 قىركۇيەككە دەيىن قاۋىپسىز ەڭبەك جاعدايلارىن قامتاماسىز ەتۋ جونىندەگى جول كارتالارىن بەكىتۋ تاپسىرىلدى.

پرەمەر-مينيستر سونداي-اق وسى جىلدىڭ سوڭىنا دەيىن كاسىپورىندارمەن وندىرىستەگى جازاتايىم وقيعالاردان ساقتاندىرۋ شارتتارىن جاساسۋ بويىنشا جۇمىس جۇرگىزۋدى مىندەتتەدى،

سوڭعى جاڭالىقتار

ءالتىنساريننىڭ ادامي بولمىسى

رۋحانيات • بۇگىن، 00:01

ۋاقىت جاراتقان ۇلى جىر

ادەبيەت • كەشە

ۇقساس جاڭالىقتار