اباي • 15 ماۋسىم، 2021

الانيا قالاسىندا اباي ساياباعى اشىلدى

71 رەت كورسەتىلدى

تۇركيانىڭ الانيا قالاسىنداعى ساياباققا قازاقتىڭ ۇلى اقىنى ءارى ويشىلى اباي قۇنانباي ۇلىنىڭ ەسىمى بەرىلىپ، ەسكەرتكىشى بوي كوتەردى، دەپ حابارلايدى Egemen.kz قر ءسىم ءباسپاسوز قىزمەتىنە سىلتەمە جاساپ.

ابايدىڭ 175 جىلدىعىنا ورايلاستىرىلعان شارا قر تۇركياداعى ەلشىلىگى، قر انتاليا كونسۋلدىعى، الانيا مۋنيتسيپاليتەتى مەن الانياداعى قازاقستاندىقتار قاۋىمداستىعىنىڭ ۇيىتقىسىمەن ءوتتى.

سالتاناتتى راسىمگە قر تۇركياداعى ەلشىسى ابزال ساپاربەك ۇلى، الانيا مۋنيتسيپاليتەتى باسشىسى ادەم مۋرات يۋجەل، قر انتالياداعى كونسۋلى ماۋلەن ىبىرايكۇلوۆ، قازاقستاننىڭ الانياداعى قۇرمەتتى كونسۋلى احمەت دجەبەجي، قالا تۇرعىندارى مەن قوناقتارى قاتىستى.

شارانىڭ شىمىلدىعىن تۇرگەن ەلشى ابايدىڭ 175 جىلدىعىنا دەمەۋ بولىپ، ساياباقتىڭ اشىلۋىنا قولداۋ كورسەتكەن تۇركيا ەلىنە العىسىن ءبىلدىرىپ، وسى تەكتى شارالاردىڭ ەكى ەل اراسىنداعى بايلانىستاردى ودان ءارى نىعايۋىنا سەپتىگىن تيگىزەتىنە سەنىم ءبىلدىردى.

«رۋحانياتىمىزدىڭ تەمىرقازىعى، ۇلتتىق بولمىسىمىزدىڭ ايناسى سانالاتىن ۇلى ويشىل مۇراسىنىڭ باۋىرلاس تۇركيادا ەرەكشە دارىپتەلىپ جاتقانى – ءبىز ءۇشىن ۇلكەن قۋانىش. 

مەملەكەت باسشىسى قاسىم – جومارت كەمەل ۇلى توقاەۆ «اباي جانە ءححى عاسىرداعى قازاقستان» اتتى ماقالاسىندا: «قازىر ايتىپ جۇرگەن ينتەللەكتۋالدى ۇلت قالىپتاستىرۋ يدەياسى ابايدان باستاۋ الدى دەۋگە بولادى. ۇلى ويشىل ءار سوزىمەن ۇلتتىڭ ورەسىن ءوسىرۋدى كوزدەدى» دەگەن ەدى. اباي اتامىزدىڭ ارتىنان قالدىرعان وسيەت – ونەگەسىن ءتۇسىنىپ، ۇعىنا الساق، حالقىمىزدىڭ جانە جالپى ادامزاتتىڭ وركەندەۋى جولىندا ولشەۋسىز ۇلەس قوساتىنىمىز ءسوزسىز»، دەدى ەلشى.

ءوز كەزەگىندە، جۇرەكجاردى تىلەكتەرىن بىلدىرگەن الانيا مۋنيتسيپاليتەتى باسشىسى ادەم مۋرات يۋجەل، «قالا ورتالىعىنداعى ساياباققا اباي قۇنانباي ۇلىنىڭ ەسىمىن بەرىلۋى – قازاق جانە تۇرىك حالىقتارىنىڭ رۋحاني ءارى مادەني جاقىندىعىنىڭ كەزەكتى دالەلى» دەي كەلە، قازاقتىڭ ۇلى ويشىلىنىڭ ەسىمى الانيا تاريحىندا ماڭگى ساقتالاتىنىنا نازار اۋداردى.

ال، قر قۇرمەتتى كونسۋلى احمەت دجەبەجي الانيا تۇرعىندارى مەن قوناقتارى ساياباق ارقىلى ابايدى تانۋىنا تۇرتكى بولاتىنىنا زور سەنىمىن جەتكىزدى.

شارا انتاليا، الانيا قالالارىندا ءومىر سۇرەتىن وتانداستارىمىزدىڭ ۇيىمداستىرعان كونتسەرتتىك باعدارلاماسىمەن جالعاستى. گۇلنۇر ەرمانوۆا مەن بالالار حورىنىڭ ورىنداۋىندا «كوزىمنىڭ قاراسى»، نۇرلان وتەپوۆتىڭ ورىنداۋىندا اباي قۇناناباەۆتىڭ «سەگىز اياق»، گۇلنۇر ەرمانوۆانىڭ جەكە ورىنداۋىندا «ايتتىم سالەم، قالامقاس» اندەرى شىرقالىپ، اقىننىڭ ولەڭدەرى وقىلدى. مىڭ بۇرالعان قازاق قىزدارى «قاماجاي» ءبيىن بيلەپ، كورەرمەنگە تاڭ قالدىردى.

ايتا كەتكەن ءجون، الانيا ساياباعىندا بوي كوتەرگەن اقىن ەسكەرتكىشىنىڭ اۆتورى – نۇرلان احمەتوۆ. اتالمىش شارا، 2020 جىلعا جوسپارلانعان. دەگەنمەن، COVID-19 پاندەمياسى سالدارىنان كەيىنگە شەگەرىلگەن بولاتىن.

بۇعان دەيىن انتاليانىڭ مۋراتپاشا اۋدانىندا دا اباي ساياباعى اشىلعان بولاتىن.

اباي اتىنداعى ساياباقتىڭ اشىلۋىمەن تۇركيانىڭ سىرتقى ىستەر ءمينيسترى مەۆليۋت چاۆۋشوگلۋ، ىشكى ىستەر ءمينيسترى Cۇلەيمەن سويلۋ، ۇلتتىق قوزعالىس پارتياسى توراعاسى دەۆلەت باحچەلي جانە بىرقاتار وزگە دە لاۋازىمدى تۇلعالاردان قۇتتىقتاۋ جەدەل حاتتارى كەلىپ تۇسكەن.

سوڭعى جاڭالىقتار

الماتىداعى احۋال كۇردەلى

ايماقتار • بۇگىن، 19:45

بالالار Ashyq جۇيەسىنە ەنگىزىلە مە؟

قازاقستان • بۇگىن، 19:20

شىمكەنتتە كارانتين كۇشەيتىلەدى

ايماقتار • بۇگىن، 15:47

اتوم كولگە ساپار

ايماقتار • بۇگىن، 15:37

قازاقستاندا جاڭا تەلەارنا اشىلدى

قازاقستان • بۇگىن، 11:55

ۇقساس جاڭالىقتار