پاترۋلدىك كولىك ايەلدى قاعىپ ءوتىپ, سول جەردە تۇرعان گازەلگە سوعىلعان. وقيعانى ءوز كوزىمەن كورگەندەر اپات قاس-قاعىم ساتتە بولعانىن ايتادى. ال مارقۇم كولىك جۋ ورتالىعىندا جۇمىس ىستەگەن. ول تاۋلىك بويى جۇمىس ىستەيتىن ورتالىقتا تۇنگى اۋىسىمدا بولىپ, جۇمىستى اياقتاۋىنا بىرەر ساعات قالعاندا وقىس جاعداي بولعان.
«كەلىنشەك وسى تاۋلىك بويى ىستەيتىن كولىك جۋ ورتالىعىندا ءبىر ايدان بەرى جۇمىس جاسادى. ول جۋىلعان كولىكتەردىڭ ءىشىن تازالاۋمەن اينالىساتىن. بۇگىندە مىنا جەردە تۇرعان شاڭسورعىش اپپاراتىمەن جۇمىس ىستەپ جاتقان. پوليتسەي كولىگى ونى شاڭسورعىشىمەن قوسا انا جاققا ۇشىرىپ اپاردى», دەدى كولىك جۋ ورتالىعىنىڭ اكىمشىسى يۋري پريحودكو.
كەلىنشەكتىڭ ارتىندا ەرەسەك ەكى بالاسى قالدى. كىشىسى بيىل مەكتەپ ءبىتىرىپ جاتىر. مارقۇمنىڭ وتباسى پوليتسيا كولىگى جىلدامدىقتى شەكتەن اسىرعان دەپ وتىر.
«جۇزبەن كەلە جاتقان عوي, 5 مەترگە ۇشىرىپ جىبەرگەن. ءوزىڭىز ويلاڭىز, ءولىپ كەتتى. باستان دىم جوق. قىزمەتكەرلەر ءبارىبىر ءوزىن قازىر ساۋمىن دەپ ايتىپ وتىر. جازاسىن الادى, الۋى كەرەك», دەيدى مارقۇمنىڭ قايىن اپكەسى سۇڭگىلشاش ايتۋعانوۆا.
كۇدىككە ىلىككەن پوليتسەيدىڭ ارىپتەسى ونىڭ وسى سالادا 6 جىلدان بەرى قىزمەت ەتىپ كەلە جاتقانىن, بۇل وقىستان بولعان وقيعا دەپ مالىمدەدى.
«وكىنىشكە قاراي, قىزمەتتە بولعان قىزمەتكەر. ساۋ كىسى. قابىرعامىز قايىسىپ, كەلىپ كوڭىل ايتىپ وتىرمىز. بۇل وتباسىنا بار جاعىنان كومەك كورسەتىلەدى», دەدى الماتى پاترۋلدىك پوليتسيا پولكى كومانديرىنىڭ ورىنباسارى جانىبەك وسكەنباەۆ.
