«قازگيدرومەت» رمك مالىمەتىنشە, كۇندىز جامبىل وبلىسىنىڭ تاۋلى اۋداندارىندا داۋىل, بۇرشاق كۇتىلەدى, كەي جەرلەردە جەل 15-20, 23-28 م/س كۇشەيەدى.
ماڭعىستاۋ وبلىسىنىڭ كەي جەرلەرىندە تۇندە جانە تاڭەرتەڭ تۇمان كۇتىلەدى, كۇندىز شاڭدى داۋىل بولادى.
تۇركىستان, قىزىلوردا, اتىراۋ وبلىستارىندا جەلدىڭ كۇشى 15-20 م/س قۇرايدى. تۇركىستان وبلىسىندا ەكپىنى 25 م/س كۇشەيەدى.
باتىس قازاقستان, كۇندىز قاراعاندى, شىعىس قازاقستان, اقتوبە وبلىستارىنىڭ كەي جەرلەرىندە جەل 15-20 م/س ارتادى. باتىس قازاقستان وبلىسىندا بۇرشاق بولجانادى.
سونداي-اق كۇندىز ماڭعىستاۋ, اتىراۋ, باتىس قازاقستان, اقتوبە, قوستاناي وبلىستارىندا, قاراعاندى وبلىسىنىڭ وڭتۇستىگىندە قاتتى ىستىق بولۋى ىقتيمال.
قىزىلوردا, پاۆلودار وبلىستارى, تۇركىستان, جامبىل وبلىستارىنىڭ باسىم بولىگىندە, اقتوبە, قوستاناي, قاراعاندى وبلىستارىنىڭ كەي جەرلەرىندە, الماتى, شىعىس قازاقستان, اقمولا, باتىس قازاقستان وبلىستارىنىڭ جەكەلەگەن اۋداندارىندا وتە جوعارى ءورت قاۋپى كۇتىلەدى.
