ايماقتار • 15 ماۋسىم، 2021

«سارى ايماققا» دا ساقتىق كەرەك

11 رەت كورسەتىلدى

ءوڭىر «قىزىل ايماقتىڭ» قۇرساۋىنان شىعىپ، «سارى ايماقتىڭ» ساناتىنا ەنسە دە، كارانتين تالاپتارىن بۇلجىتپاي ساقتاعان ءلازىم. وبلىستا جىل باسىنان بەرى 228 ءموبيلدى توپ ءجىتى جۇمىس ىستەدى. جىل باسىنان مامىر ايىنىڭ سوڭىنا دەيىن 19 217 نىساندى تەكسەرىپ، كارانتين تالاپتارىن بۇزۋدىڭ 364 وقيعاسىن انىقتاپ، 56 ملن تەڭگەدەن استام ايىپپۇل سالىندى.

وتكەن ءبىر ايدىڭ ىشىندە 3 578 نىسانعا مونيتورينگ جۇرگىزىلگەن كەزدە كارانتين تالاپتارىن بۇزۋدىڭ 59 فاكتىسى انىقتالعان. نەشە رەت قۇلاقتاندىرىپ، الدەنەشە رەت ەسكەرتۋ جاسالسا دا ەل ءالى كۇنگە دەيىن ايى­­لىن جيار ەمەس. بالكىم «قىزىل اي­ماق­تىڭ» قۇرساۋىندا تابانداتقان ەكى ايدان استام ۋاقىت بولۋىمىزدىڭ ءبىر سەبەبى وسىندا جاتقان-اق شىعار. بىر­د­ەن ايتا كەتەيىك، بۇل – كوزگە ءتۇسىپ، انىق­تالعانى عانا. ال جاسىرىن وت­كىزىل­گەن شارالاردىڭ الدەقايدا كوپ بولۋى ابدەن مۇمكىن.

مامىر ايىندا 3 578 نىسانعا مونيتورينگ جۇرگىزىلىپ، كارانتين تالاپتارىن بۇزۋدىڭ باقانداي 59 فاكتىسى انىقتالىپ وتىر. ءتارتىپ بۇزعاندارعا 11 ملن 921 530 تەڭگە كولەمىندە ايىپپۇل سالىنعان. سوتتىڭ قاراۋىنا ءبىر ماتەريال جىبەرىلىپتى. وبلىس ورتا­لى­عىنىڭ وزىندە مامىر ايىنىڭ ىشىندە 756 نىسانعا مونيتورينگ جۇرگىزىلىپ، كارانتين تالاپتارىن بۇزۋدىڭ 18 وقيعاسى ورىن العانى بەلگىلى بولدى. ءتارتىپ بۇزۋشىلاردىڭ دەنى قوعامدىق تاماقتاندىرۋ ورىندارى ەكەنىن ايتا كەتەلىك. ءالى كۇنگە دەيىن جالعاسىپ كەلە جاتقان قۇدالىق تا، اس بەرۋ دە – وسى جەردە. جۇمىس ءتارتىبىن بۇزعانى ءۇشىن 5 ملن تەڭگەدەن استام اكىمشىلىك ايىپپۇل سالىنعان. قازىر ءدامحانالار قۋلىققا كوشكەن. بىلايعى جۇرت بايقاماس ءۇشىن ەسىك-تەرەزەسىن تۇمشالاپ، ەل كوزىنەن جاسىرىپ قىزمەت كورسەتەدى. ماسەلەن، «مەرۋەرت» مەيرامحاناسى كوپ ادام جيناپ اس بەرگەن. ءتارتىپ بۇزعانى ءۇشىن مەيرامحانا يەسىنە 379 مىڭ تەڭگە كولەمىندە ايىپپۇل سالىندى.

مۇنداي مىسالدار اۋدانداردا دا از ەمەس. ماسەلەن، جارقايىڭ اۋدا­نىنداعى 367 نىسانعا مونيتورينگ جۇرگىزىلگەن كەزدە 8 ءتارتىپ بۇزۋ­شى­لىق بەلگىلى بولعان. ونىڭ ىشىنە «لاستوچكا»، كوكونىس دۇكەندەرى، «يشيم» قوناقۇيى، اۆتوبولشەكتەر دۇكەنى ماسكا تاعۋ رەجىمىن ساقتا­ماعان. اۋدان بويىنشا تالاپ بۇز­عان­داردى تارتىپكە شاقىرىپ، 350 مىڭ تەڭگەدەن استام اكىمشىلىك ايىپ­پۇل سالىنعان. ەسكەرتۋدى قۇلا­عى­نا قىستىرماي، كاسىبىن دوڭ­گە­لە­تىپ جاتقاندار بۋراباي اۋدانىندا ءجيى كەزدەسەدى. قوناقۇيلەر مەن قوعامدىق تاماقتاندىرۋ ورىن­دا­رىنىڭ جالپىعا ورتاق ءتارتىپتى بۇزىپ وتىرعانىنان وسىنداي وي تۇيۋگە بولادى. داۋاسىز دەرتتىڭ ورشۋى­نە سەبەپ بولىپ، تالاپتى ورىن­داۋ قاجەتتىگىن قاپەرىنە ىلە بەرمەيتىندەرگە 1 ملن 341 مىڭ تەڭگە ايىپپۇل سالىنعان. بۇل جەردە ماسكا تاعۋ رەجىمىن ساقتاماۋدىڭ كورىنىسى دە ءجيى كەزدەسەدى. كەلىمدى-كە­تىمدى كىسى كوپ بولعاندىقتان، قا­ۋىپ-قاتەر دە مول. جەرگىلىكتى جۇرت تا جامان تۇماۋدىڭ ءورشىپ كەتەرىن ەسكەرە بەرمەي، توي تويلاپ ءجۇر. ماسەلەن، ششۋچينسك قالاسىنداعى «مەرەي»، «اقنۇر» ءدامحانالارى كوپ ادامداردىڭ قاتىسۋىمەن وتباسىلىق ءىس-شارالار وتكىزگەن.

مۇنداي مىسال تسەلينوگراد اۋدانىندا ورىن الىپ وتىر. اۋداننىڭ 32 نىسانىن تەكسەرگەن كەزدە ءۇش بىردەي شەتىن وقيعانىڭ ورىن العا­نى انىقتالعان. بۇل جەردە دە كوپ­شى­لىكتىڭ قاتىسۋىمەن ءىس-شارالار وتكىزگەن. ايتالىق، قوسشى اۋى­لىن­داعى «باياندى» مەيرامحاناسىن­دا استا-توك اس بەرىلسە، «چيستىە پرۋ­دى» دەمالىس ءۇيىنىڭ ءدام­حا­نا­سىن­­دا تۋعان كۇن تويى وتكى­زىلگەن. ماكينسك قا­لا­سىن­داعى «انجە­ليكا» ءدام­حا­نا­سى دا وتباسى­لىق ءىس-شاراعا رۇقسات بەرىپ، ايىپتى بولىپ وتىر.

مىنە، جوعارىداعى مىسالداردان اۋرۋعا سەبەپشى بولىپ وتىرعان ءوزىمى­زدىڭ ءىس-ارەكەتىمىز ەكەنىن ايقىن اڭعارۋعا بولادى. «سارى ايماق­تىڭ» ساناتىندامىز دەسەك تە، قالىپ­تا­سىپ وتىرعان جاعدايدى سانامەن سال­ماقتاپ، ءوزىمىزدىڭ دە، وزگەنىڭ دە قاۋىپ­سىزدىگىمىزدى ويلاساق قانەكەي!

 

اقمولا وبلىسى

 

سوڭعى جاڭالىقتار

ەرتەڭ ۇكىمەت وتىرىسى وتەدى

ۇكىمەت • بۇگىن، 15:00

شاپپا شوت پەن «قۇيرىقتى» پىشاق

ايماقتار • بۇگىن، 08:32

جاڭاوزەندەگى جىلىجاي

ايماقتار • بۇگىن، 08:30

توي تويلاۋ توقتاماي تۇر

كوروناۆيرۋس • بۇگىن، 08:24

ۇقساس جاڭالىقتار