«بايتەرەك» ۇلتتىق باسقارۋشى حولدينگىنىڭ, QazExpoCongress, «قازگەولوگيا», «قازاۆتوجول», «قازاقستان ينجينيرينگ», «ازىق-ت ۇلىك كەلىسىمشارت كورپوراتسياسى», KazakhTourism, «ۇلتتىق اقپاراتتىق تەحنولوگيالار» ۇلتتىق كومپانيالارىندا دا قوعامدىق كەڭەستەر قۇرۋ ءراسىمى ءجۇرىپ جاتىر.
ەستەرىڭىزگە سالا كەتەيىك, بيىل قابىلدانعان «قوعامدىق كەڭەستەر تۋرالى» زاڭعا ەنگىزىلگەن تۇزەتۋلەردىڭ ناتيجەسىندە كۆازيمەملەكەتتىك سەكتور سۋبەكتىلەرىندە 13 قوعامدىق كەڭەس قۇرىلۋدا. ولاردىڭ قۇرىلۋىنا مەملەكەتتىك بيۋدجەتتىڭ قاراجاتى جۇمسالمايتىنىن اتاپ ءوتۋ قاجەت.
«قازاقستان عارىش ساپارى» ۇلتتىق كومپانياسىنىڭ قوعامدىق كەڭەسىنىڭ قۇرامىنا 11 مۇشە سايلاندى, ولاردىڭ جەتەۋى ازاماتتىق قوعام وكىلدەرى, ولاردىڭ ىشىندە پروفەسسور, ۇعا اكادەميگى, حالىقارالىق استروناۆتيكا جانە كوسموناۆتيكا اكادەمياسىنىڭ اكادەميگى مەيىربەك مولدابەكوۆ, حالىقارالىق بايلانىس اكادەمياسىنىڭ اكادەميگى سيمباي دۇيسەنوۆ, پروفەسسور, «جقز سالاسىنداعى كومپانيالار قاۋىمداستىعى» زتب قۇرىلتايشىسى ابزال جامالوۆ جانە تاعى باسقالار بار.
KazakhInvest ۇلتتىق كومپانياسىنىڭ قوعامدىق كەڭەسىنىڭ قۇرامىنا ازاماتتىق قوعامنىڭ 9 وكىلى كىردى, ولاردىڭ ىشىندە «قازاقستان قارجىگەرلەرىنىڭ قاۋىمداستىعى» زتب وكىلى ءالىبي وتەۋلوۆ, قازاقستان قاپتاۋشىلار قاۋىمداستىعىنىڭ باسقارما توراعاسى باتىربەك اۋباكىروۆ, قازاقستاندىق اۆتوبيزنەس قاۋىمداستىعىنىڭ ۆيتسە-پرەزيدەنتى انار ماقاشەۆا, «ۇلتتىق كورپوراتيۆتىك باسقارۋ اكادەمياسى» رقب اتقارۋشى ديرەكتورى لاۋرا شاشپان جانە باسقا دا بەلگىلى ازاماتتار بار.
ايتا كەتەيىك, مەملەكەت باسشىسى قاسىم-جومارت توقاەۆ «جاڭا جاعدايداعى قازاقستان: ءىس-قيمىل كەزەڭى» اتتى قازاقستان حالقىنا جولداۋىندا كۆازيمەملەكەتتىك سەكتوردا قوعامدىق كەڭەستەر قۇرۋ مۇمكىندىگىن قاراستىرۋدى تاپسىردى. پرەزيدەنتتىڭ تاپسىرماسىن ورىنداۋ ماقساتىندا 2021 جىلدىڭ باسىندا «قوعامدىق كەڭەستەر تۋرالى» زاڭعا قوعامدىق كەڭەس مۇشەلەرىنىڭ قۇقىقتارى مەن مىندەتتەرىن كەڭەيتەتىن, ولاردى كۆازيمەملەكەتتىك سەكتوردىڭ جۇمىسىنا تارتۋدى كوزدەيتىن تۇزەتۋلەر قابىلداندى.
