بالا ەكى اپتاعا جۋىق پنەۆمونيادان ەمدەلگەن بولاتىن. وسى ارالىقتا اۋرۋحاناعا ەشقانداي تۋىسى ىزدەپ كەلمەگەن. سوندىقتان ونى بالالار ۇيىنە جىبەرۋ تۋرالى شەشىم شىعارىلدى. دارىگەرلەردىڭ ايتۋىنشا, بوبەكتىڭ قازىرگى جاعدايى جاقسى. ەستەرىڭىزدە بولسا, وسىدان ءبىراز ۋاقىت بۇرىن بالاسىن ساتپاق بولعان كەلىنشەك ۇستالعان ەدى. «كوكەك انا» قازىر تەرگەلۋدە.
ء«بىز قاۋلى دايىندايمىز. نەگىزى بالانى ورنالاستىرۋ ءۇشىن ارنايى رەسمي قۇجات بولادى. سول قۇجاتتاردىڭ كىشكەنە كەشىگىڭكىرەپ دايىندالۋىنا بايلانىستى ءبىز بالانى بۇگىن ورنالاستىرايىن دەپ وتىرمىز. بۇگىنگە دەيىن بالانىڭ ەشقانداي تۋىسى كەلگەن جوق. ءبىز دە اناسىنا قىلمىستىق ءىس قوزعالىپ جاتقاننان كەيىن بالانى تىكەلەي شىمكەنت قالاسىنداعى مامانداندىرىلعان بوبەكتەر ۇيىنە ورنالاستىرۋدى دۇرىس دەپ شەشتىك», دەدى قالالىق ادامي الەۋەتتى دامىتۋ ءبولىمىنىڭ باس مامانى جانسايا ورىنباساروۆا.
