اۋا رايى • 13 ماۋسىم، 2021

13 ماۋسىمعا ارنالعان اۋا رايى بولجامى

51 رەت كورسەتىلدى

13 ماۋسىم كۇنى قازاقستاننىڭ سولتۇستىك جانە ورتالىق وڭىرلەرىندە جاۋىن-شاشىنسىز اۋا رايى ساقتالادى. ال ەلدىڭ قالعان بولىگىندە اتموسفەرالىق فرونتالدى بولىكتەردىڭ وتۋىمەن قۇبىلمالى كۇن رايى كۇتىلەدى: نايزاعاي ويناپ، جاڭبىر جاۋادى، جامبىل وبلىسىنىڭ تاۋلى اۋداندارىندا نوسەر جاۋىن بولجانادى. رەسپۋبليكا بويىنشا كەي جەرلەردە جەلدىڭ كۇشەيۋى، وڭتۇستىكتە شاڭدى داۋىل، ەلدىڭ باتىسىندا بۇرشاق بولادى، دەپ حابارلايدى Egemen.kz.

«قازگيدرومەت» رمك مالىمەتىنشە، جامبىل وبلىسىنىڭ كەي جەرلەرىندە نايزاعاي، داۋىل، بۇرشاق كۇتىلەدى. جەلدىڭ ەكپىنى 23-28 م/س كۇشەيەدى.

تۇركىستان وبلىسىنىڭ كەي جەرلەرىندە نايزاعاي، شاڭدى داۋىل بولجانادى. جەلدىڭ جىلدامدىعى 15-20، كۇندىز 25 م/س ارتادى.

باتىس قازاقستان وبلىسىنىڭ كەي جەرلەرىندە نايزاعاي، بۇرشاق كۇتىلەدى. كۇندىز جەل 15-20 م/س كۇشەيەدى.

الماتى، قاراعاندى، ماڭعىستاۋ، شىعىس قازاقستان، اقتوبە وبلىستارىنىڭ كەي جەرلەرىندە نايزاعاي بولادى. جەل 15-20 م/س ارتادى.

سونداي-اق كۇندىز باتىس قازاقستان وبلىسىنىڭ وڭتۇستىگىندە قاتتى ىستىق كۇتىلەدى.

قىزىلوردا، تۇركىستان، الماتى، اقتوبە، پاۆلودار وبلىستارىنىڭ باسىم بولىگىندە، جامبىل، قاراعاندى، قوستاناي، اقمولا وبلىستارىنىڭ كەي جەرلەرىندە، باتىس قازاقستان، شىعىس قازاقستان وبلىستارىنىڭ جەكەلەگەن اۋدانىندا توتەنشە ءورت قاۋپى ساقتالادى.

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار