«2021 جىلدىڭ 12 ماۋسىمىندا وگەم وزەنى كوپىرىنىڭ سول جاعىنان ازارتەكە جوتاسىنا دەيىنگى باعىتتاعى زەرتتەۋلەر بارىسىندا رەسپۋبليكالىق جەدەل-قۇتقارۋ جاساعىنىڭ قۇتقارۋشىلارى تۇركىستان وبلىسىنىڭ ماقپالساي شاتقالىنان ءبىر ادامنىڭ ءمايىتىن تاپتى. شاتقال تەڭىز دەڭگەيىنەن 1000 مەتر بيىكتىكتە ورنالاسقان», دەدى تجم رەسمي وكىلى تالعات ءۋالي.
رەسمي وكىلدىڭ ايتۋىنشا, تاۋلى رەلەفتىڭ, جارتاستى بەتكەيلەردىڭ كوپتىگىنەن ءمايىتتى تىكۇشاقپەن تاسىمالداۋ مۇمكىن بولمادى. رجقج قۇتقارۋشىلارى وگەم وزەنىندەگى وتكەلدى (اعىس جىلدامدىعى سەكۋندىنا 20 مەتر) جاياۋ ءجۇرىپ, مايىتكە قاراي بارعان.
«رجقت قىزمەتكەرلەرى ءمايىتتى اۋە كەمەسىنە دەيىن جاياۋ كوتەرىپ اپارىپ, جۇكشىعىردىڭ كومەگىمەن تىكۇشاققا كوتەردى. تابىلعان مۇردە ساراپتاما جۇرگىزۋ ءۇشىن پوليتسيا قىزمەتكەرلەرىنە تاپسىرىلدى. ىزدەۋ جۇمىستارىنا تۇركىستان وبلىسى تج جانە پوليتسيا دەپارتامەنتتەرىنىڭ, ۇقك شەكارا قىزمەتىنىڭ, ورمان شارۋاشىلىعىنىڭ, وزبەكستان رەسپۋبليكاسى تجم 127 قىزمەتكەرى, 15 دانا تەحنيكا, 3 كۆادروكوپتەر, 3 كينولوگيالىق توپ, 1 تىكۇشاق جانە جوعالعان تۋريستەردىڭ تۋىستارى جۇمىلدىرىلدى. ىزدەۋ جۇمىستارى سەگىز باعىت بويىنشا جۇرگىزىلۋدە», دەيدى ت. ءۋالي.
ەسكە سالا كەتەيىك, بۇعان دەيىن جوعالعان ءۇش تۋريست تابىلىپ, قۇتقارىلعان بولاتىن. ەكى ءتۋريستىڭ ءمايىتى تابىلدى. ىزدەۋ جۇمىستارى ەرتەڭ دە جالعاساتىن بولادى.
