وقيعا • 12 ماۋسىم، 2021

قىزىلوردادا جول اپاتىنان 6 ادام زارداپ شەكتى

105 رەت كورسەتىلدى

«باتىس قىتاي - باتىس ەۋروپا» تاسجولىنىڭ شيەلى اۋدانى اۋماعىنداعى بولىگىندە بەلگىسىز ادامدار جولدىڭ ءجۇرىس بولىگىندەگى تەمىر قورشاۋدى ءوز بەتىنشە اشىپ تاستاعان. بۇل جول-كولىك وقيعاسىنىڭ بولۋىنا الىپ كەلدى، دەپ جازادى Egemen.kz

وقيعا 11 ماۋسىمدا شيەلى اۋدانىنداعى R-10 كانالى تۇسىندا بولعان. سول اۋماقتا جەڭىل جانە جۇك كولىگى سوقتىعىستى. سالدارىنان جەڭىل اۆتوكولىكتە كەلە جاتقان 6 ادام مەديتسينالىق مەكەمەگە جەتكىزىلدى. قايتىس بولعاندار جوق.

«جۇك كولىگىنىڭ جۇرگىزۋشىسىنە قاتىستى قر اكىمشىلىك قۇقىق بۇزۋ كودەكسى 610-بابىنىڭ 2-بولىگىنە سايكەس قۇجاتتار جيناقتالۋدا. جول-كولىك وقيعاسىنىڭ سەبەپتەرى انىقتالىپ جاتىر. سونداي-اق، جولدىڭ ءجۇرىس بولىگىندەگى تەمىر قورشاۋدى ءوز بەتىنشە اشۋ دەرەگى بويىنشا كىنالى ادامداردى انىقتاۋ ماقساتىندا جان-جاقتى تەكسەرۋ جۇمىسى باستالدى. جول اپاتىنا قاتىستى 2 اۆتوكولىك ايىپ تۇراعىنا جەتكىزىلدى» دەپ ءمالىم ەتتى قىزىلوردا وبلىستىق پوليتسيا دەپارتامەنتىنەن.

ۆەدومستۆو مالىمەتىنشە، جەڭىل اۆتوكولىكتىڭ جۇرگىزۋشىسىنە قاتىستى قر اكىمشىلىك قۇقىق بۇزۋ كودەكسىنىڭ 593-بابى 1-بولىگىنە سايكەس قۇجات جينالىپ جاتىر. وندا جولاۋشى جانە جۇك تاسىمالداۋ قاعيدالارىن ساقتاماۋ جاعدايى كورسەتىلگەن. ەسكە سالساق، بۇدان بۇرىن قىزىلوردادا كوشەدە مىلتىق الىپ جۇرگەن تۇرعىن قولعا ءتۇستى.

 

سوڭعى جاڭالىقتار

اقتوبەدە قوقىس پوليگونى ورتەندى

ايماقتار • بۇگىن، 19:58

تۋريستكە دە ءتارتىپ بار

ايماقتار • بۇگىن، 18:06

دوللار قايتا قىمباتتاي باستادى

ەكونوميكا • بۇگىن، 11:47

ۇقساس جاڭالىقتار