ايماقتار • 11 ماۋسىم، 2021

اقمولا وبلىسىندا كارانتيندىك شەكتەۋلەر جەڭىلدەتىلدى

57 رەت كورسەتىلدى

اقمولا وبلىسىنىڭ باس مەملەكەتتىك سانيتارلىق دارىگەرى ايناگۇل مۋسينانىڭ «اقمولا وبلىسى اۋماعىندا كارانتيندىك شەكتەۋ شارالارىن جەڭىلدەتۋ تۋرالى» جاڭا قاۋلىسى شىقتى، دەپ حابارلايدى Egemen.kz.

قاۋلىعا سايكەس، وتباسىلىق، ەستەلىك (بانكەت، ۇيلەنۋ توي، مەرەيتوي، دۇعا) جانە كوپشىلىك جينالاتىن وزگە دە ءىس-شارالاردى قوعامدىق تاماقتانۋ وبەكتىلەرىندە جانە ۇيدە وتكىزۋگە تىيىم سالىندى.

سونىمەن بىرگە، ويىن-ساۋىق مەكەمەلەرى (تۇنگى، ويىن كلۋبتار، جابىق ءۇي-جايلارداعى بالالار ويىن الاڭدارى، اتتراكتسيون مەن باتۋت جانە تاعى باسقالار)، بۋكمەكەر كەڭسەلەرى جانە ەرەسەكتەر مەن بالالارعا ارنالعان وزگە دە ويىن-ساۋىق، كاليان ورىندارى (ونىڭ ىشىندە قوعامدىق تاماقتانۋ وبەكتىلەرىندەگى) قىزمەتىنە، مەرەكەلىك كورپوراتيۆتەردى ۇيىمداستىرۋ مەن وتكىزۋگە، كورمەلەر وتكىزۋگە، (اشىق اۋادا) مارافون وتكىزۋگە تىيىم سالىندى.

بۇدان بولەك، «Ashyq» جوباسىنا قاتىساتىن بانكەت زالدارىندا 50 ادامنان اسىرماي تولتىرىپ، اس بەرۋدى قوسپاعاندا، اس بەرۋگە تىيىم سالىندى. ال، 25 ادامنان ارتىق ەمەس مەكتەپكە دەيىنگى بالالار مەكەمەلەرىنىڭ كەزەكشى توپتارىنىڭ قىزمەتىنە، اشىق اۋاداعى اتتراكتسيون قىزمەتىنە دە رۇقسات بەرىلدى. زالداردىڭ تولتىرىلۋى 15 پايىزعا دەيىن كورەرمەندەردىڭ قاتىسۋىمەن سپورت ءىس-شارالارىن وتكىزۋگە، تولتىرىلۋى 75 پايىزعا دەيىن، بىراق 15 ادامنان اسىرماي، جۇيەلى جۇرمەيتىن وبلىسارالىق (تۋريستىك تاسىمال) قوزعالىسىنا، تولتىرىلۋى 75 پايىزعا دەيىن، بىراق 15 ادامنان اسىرماي، جۇيەلى جۇرمەيتىن قالالىق (تۋريستىك تاسىمال) قوزعالىسىنا، قالا ماڭىنداعى جولاۋشىلار پوەزدارى/ەلەكتر پويىزدارىنىڭ، جالپى ۆاگونسىز جولاۋشىلار پوەزدارىنىڭ قوزعالىسىنا، تولتىرىلۋى 50 پايىزعا دەيىن بالالار ساۋىقتىرۋ ۇيىمدارى قىزمەتىنە رۇقسات بەرىلدى. «سونىمەن بىرگە، 30 ادامعا دەيىن مادەنيەت وبەكتىلەر (رەپەتيتسيا) قىزمەتىنە، تولتىرىلۋى 20 پايىزعا دەيىن كينوتەاتر، تەاتر، كونتسەرت زالدارى، فيلارمونيا قىزمەتتەرىنە رۇقسات بەرىلدى.

ال، مەشىتتەر، پراۆوسلاۆيە شىركەۋلەرى جانە باسقا دا ءدىني وبەكتىلەر اۋماعىندا ۇجىمدىق ءدىني ءىس-شارالاردى، ونىڭ ىشىندە «جۇما نامازى»، كۇندەلىكتى پراۆوسلاۆيەلىك دۇعالار جانە باسقالارىن، اشىق اۋادا وتكىزۋ ماسكا رەجيمى مەن ءبىر ادامعا كەمىندە 4 مەتر ەسەبىنەن الەۋمەتتىك قاشىقتىق ساقتالعان كەزدە جۇزەگە اسىرىلادى»، دەلىنگەن قاۋىلدا.
سونداي-اق، گۇلدەر دۇكەنى، فوتوسالون، كىتاپحانا، مۇراجاي قىزمەتىنە، كەلۋشىلەر سانىن 30 پايىزدان اسىرماي جانە ءبىر كەلۋشىگە 4 شارشى مەتردەن ساعات 23-گە دەيىن جۇمىس رەجيمىمەن ساۋدا ويىن-ساۋىق ورتالىقتارى، ساۋدا ۇيلەرىنىڭ، ساۋدا ورتالىقتارى قىزمەتىنە رۇقسات بەرىلىپ وتىر. كوپشىلىك جينالاتىن سالتاناتتى، وتباسىلىق، ەستەلىك، ۇجىمدىق جانە باسقا دا ءىس-شارالاردى وتكىزبەي، ۇستەل اراسىنداعى قاشىقتىق 2 مەتردەن كەم ەمەس جانە كەلۋشىلەر اراسىندا 1 مەتردەن كەم ەمەس قاشىقتىقتى ساقتاعان جاعدايدا قوعامدىق تاماقتاندىرۋ وبەكتىلەرى قىزمەتىنە رۇقسات بەرىلسىن.

«جالپى ءبىلىم بەرۋ مەكتەپتەرى جۇمىسىنا قويىلاتىن تالاپتار ساقتالعان جاعدايدا سىنىپتا 15 ادامنان ارتىق ەمەس جازعى مەكتەپتەر قىزمەتىنە، كوللەدج بەن جوعارى وقۋ ورىندارى I كۋرس ستۋدەنتتەرى ءۇشىن پراكتيكالىق ساباقتار وتكىزۋگە، ارنايى، مامانداندىرىلعان ۇيىمداردىڭ، ەرەكشە ءبىلىم بەرۋ قاجەتتىلىگى بار بالالارعا ارنالعان ارنايى مەكتەپ-ينتەرنات (ونىڭ ىشىندە اتا-اناسىنىڭ قامقورلىعىنسىز قالعان جەتىم بالالارعا ارنالعان)، جالپى ۇلگىدەگى مەكتەپ-ينتەرنات، دارىندى بالالارعا ارنالعان مەكتەپ-ينتەرنات قىزمەتىنە، بەتپەردە رەجيمىن جانە كەمىندە 2 مەتر قاشىقتىقتى ساقتاي وتىرىپ، 15 ادامنان ارتىق ەمەس جەكە جانە ۇيىمداسقان توپتار ءۇشىن ەرەكشە قورعالاتىن تابيعي اۋماقتارعا (مەملەكەتتىك ۇلتتىق تابيعي پارك، قورىق، رەزەرۆات جانە ت.ب.) بارۋعا رۇقسات بەرىلەدى»، دەپ كورسەتىلگەن جاڭا قاۋلىدا.

قاۋلى 2021 جىلعى 12 ماۋسىمدا ساعات 00:00-دەن باستاپ كۇشىنە ەنەدى.

سوڭعى جاڭالىقتار

اقتوبەدە قوقىس پوليگونى ورتەندى

ايماقتار • بۇگىن، 19:58

تۋريستكە دە ءتارتىپ بار

ايماقتار • بۇگىن، 18:06

دوللار قايتا قىمباتتاي باستادى

ەكونوميكا • بۇگىن، 11:47

ۇقساس جاڭالىقتار