ايماقتار • 11 ماۋسىم، 2021

ينۆەستيتسيالىق شتابتىڭ كەزەكتى وتىرىسى ءوتتى

54 رەت كورسەتىلدى

شىمكەنت قالاسىنىڭ اكىمى مۇرات ايتەنوۆتىڭ توراعالىعىمەن ينۆەستيتسيالىق شتابتىڭ كەزەكتى وتىرىسى ءوتتى.  جيىندا جاڭا جوبالار، تۇرعىن ءۇي قۇرىلىسى مەن وعان كەرەكتى جەر تىلىمدەرىن دايىنداۋ ماسەلەلەرى قارالدى، دەپ حابارلايدى Egemen.kz.

تۇرعىن ءۇي قۇرىلىسى  ماسەلەلەرى بويىنشا «شىمكەنت» اكك» اق باسقارما توراعاسى ب. كانكين، ساۋلەت، قالا قۇرىلىسى جانە جەر قاتىناستارى باسقارماسىنىڭ باسشىسى ن. ارحاباەۆ بايانداما جاسادى.

«شىمكەنتكە ەلىمىزدەگى الىپ قۇرىلىس كومپانيالارىن تارتۋ قاجەت. قۇرىلىس قارقىنى مەن ساپا جاعىنان نۇر-سۇلتان مەن الماتى قالاسىنا جەتۋ ءۇشىن جۇيەلى جۇمىس كەرەك. ينۆەستوردى تارتىمدى، جاقسى جەرلەر قىزىقتىرادى. سوندىقتان، قالاداعى ءتيىمسىز قولدانىستاعى جەرلەرگە مونيتورينگ جاساپ، حالىق مۇقتاجىنا قاراي ءتيىمدى قولدانۋ قاجەت.

اۋدانداردا دا كورىكتى ۇيلەر سالۋ شارت. قالانىڭ ىشىندەگى ەسكى، اپاتتى ۇيلەردىڭ ورنىنا كوپ قاباتتى زاماناۋي ۇيلەر سالۋ ءتيىمدى بولىپ وتىر. سوندىقتان بۇل باعىتتا ينۆەستور تارتۋ اۋدان اكىمدەرىنە جۇكتەلەدى.

جالپى قالا بويىنشا جەرلەردى ماقساتتى پايدالانۋعا اۋديت جۇرگىزۋدى، ول باعىتتاعى جۇمىستاردى ۇيىمداستىرۋدى ايبەك ساتتىباەۆقا تاپسىرامىن»،  دەدى قالا اكىمى.

بۇگىنگى شتاب وتىرىسىندا «زۋم» پلاتفورماسىندا بىرقاتار جەكە ينۆەستورلار ءوز جوبالارىن تانىستىردى.

ماسەلەن، «زاۆود اۆانگارد» جشس ديرەكتورى مۇرات ساۋىتبەك ۇلى اينەك شىعارۋ ءوندىرىسىنىڭ جوباسىن ۇسىندى. ەندىگى كەزەكتە جوبانى جۇزەگە اسىرۋ ءۇشىن جەر تەلىمى قاجەت.

ال، «ەۆرو زناك» جشس كوپىرلەرگە جانە جول قۇرىلىسىنا قاجەتتى تەمىر-بەتون ونىمدەرىن وندىرەتىن كاسىپورىن. اتالعان كومپانيالارعا جۇلدىز يندۋستريالدى ايماعىنان جەر بەرۋ ۇسىنىلدى.

قۇرىلىس ماتەريالدارى ءۇشىن تەمىر-بەتون وندىرىسىنە ماماندانعان «ابديكۋرىلىس» جشس-نا دا يندۋستريالدى ايماقتان جەر تەلىمى ۇسىنىلدى.

«دوسىمبەكوۆا» جك «تۇران» شاعىناۋدانىنان سپورت كەشەنىن سالۋدى جوسپارلاۋدا.

سونداي-اق، جيىندا قالالىق كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ باسشىسى بەرەكە دۇيسەبەكوۆ حاتتامالىق تاپسىرمالاردىڭ ورىندالۋى تۋرالى باياندادى.

قالا اكىمى ءوز سوزىندە، ينۆەستورلارعا  وڭتايلى جاعداي جاساۋ بيۋروكراتيانى جويۋدان باستالاتىنىن، بۇل ماسەلەنى مۇقيات ەسكەرۋ كەرەكتىگىن ايتىپ ءوتتى.

ينۆەستيتسيا

شىمكەنت

سوڭعى جاڭالىقتار

اقتوبەدە قوقىس پوليگونى ورتەندى

ايماقتار • بۇگىن، 19:58

تۋريستكە دە ءتارتىپ بار

ايماقتار • بۇگىن، 18:06

دوللار قايتا قىمباتتاي باستادى

ەكونوميكا • بۇگىن، 11:47

ۇقساس جاڭالىقتار