ايماقتار • 11 ماۋسىم، 2021

يننوۆاتسيا داۋىرىندە تەحنيكالىق ءبىلىمنىڭ ماڭىزى زور

5088 رەت كورسەتىلدى

XXI عاسىر عىلىم مەن يننوۆاتسيا ءداۋىرى. قازىرگى ۋاقىتتا د.سەرىكباەۆ اتىنداعى شقتۋ-دا يننوۆاتسيالىق ءبىلىم بەرۋدىڭ ءادىسى جان-جاقتى مەڭگەرىلدى. تەحنيكالىق بىلىمگە دەگەن ستۋدەنتتەردىڭ دە قۇلشىنىسى جوعارى. وسى جانە وزگە دە تاقىرىپتار توڭىرەگىندە ءبىلىم وشاعىنىڭ رەكتورى جاسۇلان شايماردانوۆ «شقتۋ – ايماقتىڭ تىرەك ۋنيۆەرسيتەتى» اتتى بريفينگتە ايتىپ بەردى، دەپ حابارلايدى Egemen.kz.

«سانالى ۇرپاق تاربيەلەۋدە كەز كەلگەن ۋنيۆەرسيتەتتىڭ العا قويعان ۇستانىمى ءار ءتۇرلى. ءبىزدىڭ باعىت – زاماناۋي ينجەنەر تۇسىنىگىن عىلىمي كوزقاراسپەن عانا شەكتەلمەي، فيزيكا-ماتەماتيكا بويىنشا ءبىلىم بەرۋ قارقىنىن كۇشەيتە ءتۇسۋ.

مۇنى وقىتۋشىلىق قۇرام دا تۇسىنەدى. شەتەلدەن ءبىلىم الىپ كەلگەن ۇستازدارىمىز وسى تۇرعىدا جۇيەلى جۇمىس جۇرگىزۋدى جوسپارلارىنا ەنگىزگەن، ءارى كوپتەگەن ستۋدەنتتەرىمىز تەرەڭدەتىلگەن فيزيكاعا مىقتاپ دەن قويسا، حالىقارالىق دەڭگەيدە سۇرانىسقا يە مامان اتانۋعا مول مۇمكىندىك الادى. وسى تۇرعىدا ءبىلىم ورداسىنىڭ قابىرعاسىندا قوسىمشا فاكۋلتەتتەر اشىلعان»، دەدى جاسۇلان شايماردانوۆ.

ءبىلىم ورداسى جۇمىس ىستەپ تۇرعانى جىلدارى ىشىندە ەكونوميكانىڭ ءتۇرلى سالالارى بويىنشا 90 000-عا جۋىق ينجەنەر دايارلاپ شىعاردى. بۇگىندە ۋنيۆەرسيتەت مامان دايىنداۋدىڭ ءۇش دەڭگەيى بويىنشا 91 ءبىلىم بەرۋ باعدارلاماسىن ىسكە اسىپ جاتىر. ءبىلىم بەرۋ باعدارلامالارىنىڭ 86% مامانداندىرىلعان اكرەديتاتسيادان ءوتتى.

اۆتوماتتاندىرۋ جانە باسقارۋ، مەتاللۋرگيا، گەولوگيا جانە پايدالى قازبالاردى بارلاۋ سياقتى باعدارلامالاردىڭ ەۋروپالىق ساپا سەرتيفيكاتى بار.

«تاۋەلسىزدىكتىڭ وتىز جىلى ىشىندە كوپتەگەن جەتىستىكتەرگە قول جەتتى. جاستار شەتەلدە ءبىلىم الۋعا مۇمكىندىك الدى. ءبىر ايتا كەتەرلىگى، ءبىلىم وشاعىنداعى گرانتتار سانى دا سوڭعى جىلدارى ارتىپ كەلەدى. وزدەرىڭىزگە بەلگىلى، گرانت سانىن رەتتەۋ دە ءبىلىم جانە عىلىم مينيسترىلىگىمەن بىرلەسە شەشەتىن كۇردەلى جۇمىس»، دەدى رەكتور بريفينگتەگى سوزىندە.

سوڭعى جاڭالىقتار

اقتوبەدە قوقىس پوليگونى ورتەندى

ايماقتار • بۇگىن، 19:58

تۋريستكە دە ءتارتىپ بار

ايماقتار • بۇگىن، 18:06

دوللار قايتا قىمباتتاي باستادى

ەكونوميكا • بۇگىن، 11:47

ۇقساس جاڭالىقتار