ايماقتار • 11 ماۋسىم، 2021

اقكولدە ورگانيكالىق قالدىقتار وڭدەيتىن پيلوتتىق جوبا ىسكە اسىرىلادى

46 رەت كورسەتىلدى

اقكول قالاسىندا ورگانيكالىق قالدىقتاردى بولەك جيناۋدى جانە وڭدەۋدى ەنگىزۋ بويىنشا پيلوتتىق جوبا ىسكە اسىرىلادى، دەپ حابارلايدى Egemen.kz.

بۇگىن ەكولوگيا ۆيتسە-ءمينيسترى ا.پىرىمقۇلوۆ فرانتسيانىڭ قازاقستانداعى ەلشىسى ديدە كانەسسپەن جانە اقمولا وبلىسى اكىمىنىڭ ورىنباسارى م.تاتكەەۆپەن كەزدەستى. كەزدەسۋ بارىسىندا اقمولا وبلىسىنىڭ اقكول قالاسىندا تاماق قالدىقتارىن جيناۋ جانە وڭدەۋ بويىنشا جوبا تانىستىرىلدى.

جوبانىڭ قاتىسۋشىلارى «وكم وپەراتورى» جشس، قاتتى تۇرمىستىق قالدىقتارمەن (قتق) جۇمىس ىستەۋ جونىندەگى فرانتسۋز اگەنتتىگى – Syctom، فرانتسۋز ينجەنەرلىك جوبالاۋ ينستيتۋتى – Setec Énergie Environnement جانە اقمولا وبلىسىنىڭ اقكول اۋدانىنىڭ اكىمدىگى بولىپ تابىلادى.

2021 جىلعى اقپاندا «وكم وپەراتورى» جشس Syctom-مەن ءوزارا تۇسىنىستىك تۋرالى مەموراندۋمعا قول قويدى، ونىڭ شەڭبەرىندە «وكم وپەراتورى» جشس، Syctom، اقمولا وبلىسىنىڭ اكىمدىگى جانە قازاقستان رەسپۋبليكاسىنىڭ ەكولوگيا، گەولوگيا جانە تابيعي رەسۋرستار مينيسترلىگى جوبانى ىسكە اسىرۋ جونىندەگى جول كارتاسىنا قول قويدى.

جوبادا اقمولا وبلىسىنىڭ اقكول قالاسىنداعى قتق ورگانيكالىق (تاعامدىق) فراكتسياسىمەن (بۇدان ءارى – قتكوف) جۇمىس ىستەۋ بويىنشا زەرتتەۋ جۇمىسىن (تەن) كوزدەيدى. تەن ءساتتى ورىندالعان جاعدايدا، Syctom جانە «وكم وپەراتورى» جشس كەيىننەن ايقىندالاتىن تەن شەشىمدەرىن ىسكە اسىرۋدى، ونىڭ ىشىندە جەرگىلىكتى اتقارۋشى ورگاندار مەن جاۋاپتى ۇيىمنىڭ قاتىسۋىمەن قتكوف-تى كومپوستيرلەۋ ارقىلى بولەك جيناۋدى جانە دايىن ونىمگە قايتا وڭدەۋدى جۇزەگە اسىراتىن ۇيىمداردىڭ ماتەريالدىق-تەحنيكالىق بازاسىن جەتىلدىرۋدى قارجىلاندىرۋدى جوسپارلاپ وتىر.

تەن-دە قتكوف-تىڭ پايدا بولۋ كوزدەرىن، قتكوف-تى بولەك جيناۋعا ارنالعان كونتەينەرلەردىڭ (سىيىمدىلىقتاردىڭ) جانە قتكوف-تى قايتا وڭدەۋ (كومپوستتاۋ) جونىندەگى جابدىققا جەتكىزۋگە ارنالعان ارنايى تەحنيكانىڭ سانىن انىقتاۋ جوسپارلانۋدا. بۇدان ءارى ءبىرىنشى جىل ىشىندە اقكول قالاسىنىڭ جابدىعى مەن تەحنيكاسىن ساتىپ الۋ جانە بەرۋ، ەكىنشى جىل ىشىندە قىزمەتكە مونيتورينگ جۇرگىزۋ كوزدەلەدى.

فرانتسۋز تاراپى قالدىقتاردى قايتا وڭدەۋ (كومپوستتاۋ) جونىندەگى جابدىقتى ساتىپ الۋدى جانە جەتكىزۋدى قارجىلاندىرادى، ال وپەراتور ولارعا قىزمەت كورسەتۋ ءۇشىن كونتەينەرلەر (سىيىمدىلىقتار) مەن ارنايى تەحنيكانى ساتىپ الۋدى جانە جەتكىزۋدى قارجىلاندىرادى دەپ كۇتىلۋدە. سونداي-اق، الىناتىن ونىمگە ونىڭ قولدانىلۋ سالاسىن بەكىتە وتىرىپ، ۇلتتىق ستاندارتتى (تەحنيكالىق كومپوست) ەنگىزۋ جوسپارلانۋدا.

كەزدەسۋ بارىسىندا ا.پىرىمقۇلوۆ قالدىقتاردى ءبولۋ جانە قايتا وڭدەۋ بويىنشا مۇنداي جوبالار قاجەت ەكەنىن جانە بولاشاقتا ۇلكەن پەرسپەكتيۆالارعا يە ەكەنىن اتاپ ءوتتى.
سوڭعى جاڭالىقتار

تۋريستكە دە ءتارتىپ بار

ايماقتار • بۇگىن، 18:06

دوللار قايتا قىمباتتاي باستادى

ەكونوميكا • بۇگىن، 11:47

ۇقساس جاڭالىقتار