بۇگىنگى تاڭدا رەسپۋبليكا كولەمىندە 114 كينوتەاتردىڭ 109-ى عانا جۇمىس ىستەپ تۇر.
جاھاندى ابىگەرگە سالعان كوروناۆيرۋس ىندەتى كوپتەگەن بيزنەس سۋبەكتىلەرىنىڭ توقتاۋىنا سەبەپكەر بولدى.
وسىعان بايلانىستى حالىقتىڭ قاۋىپسىزدىگىن قامتاماسىز ەتۋ ماقساتىندا كينوتەاترلاردىڭ جۇمىس ىستەۋىنە شەكتەۋ قويىلدى.
قازىرگى كەزدە قىزىل ايماقتاعى كينوتەارلار كورەرمەندەردىڭ تەك 30 پايىزىن قابىلدايدى. ال سارى ايماقتاعىلار 40 بولسا, جاسىلداعىلار 50 پايىز كورەرمەندى كينوزالعا كىرگىزە الادى.
قازاقستان كينوتەاترلار قاۋىمداستىعىنىڭ پرەزيدەنتى مۋنيرا ياگۋدينا قازىر «كينو تۋرالى» زاڭعا وزگەرىستەر ەنگىزۋ ءۇشىن, تالقىلاۋلار باستالعانىن ايتتى. ياعني, ەندى قازاق تىلىندەگى فيلمدەر تەك پرايم-تايم ۋاقىتتا كورسەتەدى. دەسە دە, بۇل تالاپ جاعدايدى ودان ءارى قيىنداتادى.
