ف.موگەرينيدىڭ پىكىرىنشە, قازاقستان مەن ەو ءتيىمدى سەرىكتەستىك قۇرۋعا ۇمتىلاتىن ەكىجاقتى مۇددەگە نەگىزدەلگەن سەنىمدى ديالوگ قۇرا الدى.
ف. موگەرينيدىڭ قر-ەو قارىم-قاتىناستارىن دامىتۋعا قوسقان ۇلەسى ەرەكشە ەكەنىن اتاپ وتكەن ءجون. ەو سىرتقى ساياسي ۆەدومستۆوسىنىڭ باسشىسى رەتىندە ول قازاقستان مەن ەۋروپالىق وداق اراسىنداعى كەڭەيتىلگەن ارىپتەستىك پەن ىنتىماقتاستىق تۋرالى كەلىسىمدى تالقىلاۋعا قاتىستى جانە وعان قول قويدى. بۇل كەلىسىم وڭىردەگى وسى ىسپەتتەس العاشقى قۇجات بولىپ تابىلادى. بۇگىنگى تاڭدا كەلىسىم قازاقستان مەن ەو اراسىنداعى ىنتىماقتاستىقتى جاڭا دەڭگەيگە شىعارىپ, ەكىجاقتى قاتىناستاردىڭ كەڭ اۋقىمىن قامتيدى.
سونداي-اق 2019 جىلى ەو-ورتالىق ازيا فورماتىنداعى قاتىناستارعا جاڭا سەرپىن بەرگەن, ەۋروپالىق وداقتىڭ ورتالىق ازيا بويىنشا جاڭا ستراتەگياسى قابىلداندى.
كەزدەسۋ بارىسىندا قازاقستانداعى ساياسي جانە ەكونوميكالىق رەفورمالار, قر جانە ەو اۋماعىنداعى ۆاكتسيناتسيالاۋ ءۇردىسىنىڭ ەرەكشەلىكتەرى, قازاقستاندىق «QazVac» ۆاكتسيناسىن ءوندىرۋ جانە پايدالانۋ ماسەلەلەرى تالقىلاندى.
تاراپتار يادرولىق قارۋعا قارسى قوزعالىستى ىلگەرىلەتۋ جانە جاڭا حالىقارالىق باستاماعا – يادرولىق قاۋىپسىزدىك پەن يادرولىق قارۋدان ازات الەم ءۇشىن جاھاندىق كوشباسشىلار اليانسىن قۇرۋعا ەرەكشە توقتالدى. بۇۇ جوعارى دەڭگەيدەگى توبىنىڭ تەڭ توراعاسى جانە يادرولىق قارۋدى تاراتپاۋ ماسەلەلەرىمەن بەلسەندى اينالىسقان بۇرىنعى پارلامەنتاري رەتىندە ف.موگەريني باستاماعا قىزىعۋشىلىق ءبىلدىرىپ, وسى باعىتتاعى ءوز تاجىريبەسىمەن ءبولىستى.
تاراپتار قازاقستاندىق جوعارى وقۋ ورىندارى, ساراپشىلار قوعامداستىعى جانە «ەۋروپا كوللەدجى» اراسىندا جەمىستى ىنتىماقتاستىق ورناتۋ جانە بىرلەسكەن ءبىلىم بەرۋ جوبالارىن ىسكە اسىرۋ مۇمكىندىگىن ەگجەي-تەگجەيلى زەردەلەۋگە ۋاعدالاستى.
