تۇركىستان وبلىسى تۇرعىندارىنا بىرنەشە كۇردەلى اقىسىز وتالار جاسادى. بۇنىڭ بارلىعى «انا جۇرتتان اتا جۇرتقا دەنساۋلىق كوپىرى» جوباسى اياسىندا باۋىرلاس ەلگە دەگەن سىي رەتىندە جۇزەگە اسۋدا. بۇل جايىندا ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ وكىلەتتى كەڭەس توراعاسى, پروفەسسور, دوكتور مۋحيددين شىمشەك مالىمدەدى.
دəرىگەرلەر 1-10 ماۋسىم ارالىعىندا ق.ا.ياساۋي اتىنداعى حقتۋ كلينيكا-دياگنوستيكالىق ورتالىعىنا تىركەلگەن تۋا بىتكەن دامۋ اقاۋلارى بار بالالاردى كەزەكسىز تەكسەرىستەن وتكىزدى. تۇركيالىق پەدياتر-دارىگەرلەر بۇلدىرشىندەردى قابىلداپ, اتا-انالارعا كاسىبي كەڭەستەرىن بەرىپ, ارنايى ەمدەۋ تاسىلدەرىمەن ءبولىستى. سونداي-اق تسەرەبرالدى سال اۋرۋى, داۋنا سيندرومى, اۋتيزم, تىرەك-قيمىل جۇيەسى, ەستۋ, كورۋ, سويلەۋ قابىلەتى بۇزىلعان بالالاردى دارىگەرلىك تەكسەرىستەن وتكىزدى.
جالپى سانى 40-تان استام بالا جوعارى دەڭگەيلى مامانداردىڭ قابىلداۋىندا بولدى. سونداي-اق, وتولارينگولوگ-دارىگەرلەر قۇلاقتىڭ ءىرىڭدى اۋرۋلارى جانە مۇرىن ىسىكتەرى دياگنوزدارىمەن 32 ناۋقاسقا كۇردەلى وتالار جاساپ, 3 ناۋقاسقا قۇلاق پروتەزدەرىن سالعان.
