ەرنار مىرزاقۇلوۆقا پاندەميا كەزىندە بيۋدجەت قارجىسىن باس پايداسىنا جۇمساعان دەگەن ايىپ تاعىلدى.
شامامەن 1,4 ملرد تەڭگەگە اپپارات ساتىپ الۋ بويىنشا تەندەر ءوتىپ, الايدا ەكس-شەنەۋنىك جالعان قۇجات جاساپ, وعان وزگە قۇرالدار ساتىپ العان. ال, كەلىسىمگە كەلىپ, دالادا قالعان كومپانيا ەكونوميكالىق تەرگەۋ دەپارتامەنتىنە ارىزدانعان.
وسىدان كەيىن بار بىلىق اشىلىپ, لاۋازىمىن اسىرا پايدالانعان مىرزاقۇلوۆ 3 جىلعا سوتتالدى. جانە ءومىر بويى مەملەكەتتىك قىزمەت اتقارۋ قۇقىعىنان ايىرىلدى. سوت ۇكىمى ءالى زاڭدى كۇشىنە ەنگەن جوق.
«ول كەلىسىمشارت ءتۇزىپ, ءبىر جارىم ايدان كەيىن اقشانى اۋدارماي, باسقا تەندەر وتكىزىپ, باسقا زاتتارعا اقشاسىن پايدالانعان», دەدى ءال-فارابي اۋداندىق سوتىنىڭ سۋدياسى ءسابيت تورەحانوۆ.
بيۋدجەتتىڭ 1 ملرد 391 ملن 587 مىڭ تەڭگەسىن ءوز اقشاسىنداي كورگەن ەكس-شەنەۋنىككە بەرىلگەن جازانىڭ جۇمساقتىعىن سۋديالار وزىنشە ءتۇسىندىردى.
«دەنساۋلىق ساقتاۋ باسقارماسى باسشىسىنىڭ بۇرىنعى ورىنباسارى وتباسىنىڭ جالعىز اسىراۋشىسى. ءارى 4 بالانى باعىپ وتىرعان ونىڭ ءبىر پەرزەنتى مۇگەدەك ەكەن. كەشە قاماۋعا العانداعى اۋرۋحانادا جاتقان. اۋىزشا ايتقاندا گرىجا. ول قيمىلداي المايدى. ءوزى جۇرە المايدى قازىر», دەدى ءال-فارابي اۋداندىق سوتىنىڭ سۋدياسى ءسابيت تورەحانوۆ.
