اۋا رايى • 11 ماۋسىم، 2021

11 ماۋسىمعا ارنالعان اۋا رايى بولجامى

33 رەت كورسەتىلدى

سينوپتيكتەر 11 ماۋسىمعا ارنالعان اۋا رايى بولجامىن جاريالادى، دەپ حابارلايدى Egemen.kz.

«قازاقستان تەرريتورياسىنىڭ باسىم بولىگىندە اتموسفەرالىق فرونتالدى بولىكتەردىڭ وتۋىمەن تۇراقسىز اۋا رايى ساقتالادى، جاڭبىرمەن بىرگە نايزاعاي بولادى، ەلىمىزدىڭ وڭتۇستىك-شىعىسىندا، تاۋلى اۋدانداردا قاتتى جاڭبىر جاۋادى. رەسپۋبليكانىڭ كەي جەرلەرىندە داۋىل سوعىپ، بۇرشاق جاۋادى، وڭتۇستىك جانە وڭتۇستىك-شىعىسىندا  شاڭدى داۋىل بولادى، سولتۇستىكتە تۇندە جانە تاڭەرتەڭ تۇمان تۇسەدى»، دەلىنگەن «قازگيدرومەت» رمك ءباسپاسوز قىزمەتىنىڭ حابارلاماسىندا.

جامبىل وبلىسىنىڭ كەي جەرلەرىندە شاڭدى داۋىل، داۋىل، بۇرشاق بولادى، جەل 15-20، ەكپىنى 23-28 م/س كۇشەيەدى.

تۇركىستان وبلىسىندا شاڭدى داۋىل سوعىپ، جەلدىڭ كۇشەيۋى 15-20، كۇندىز ەكپىنى 25 م/س جەتەدى.

الماتى وبلىسىندا دا داۋىل سوعىپ، بۇرشاق جاۋادى، نايزاعاي كەزىندە جەل 15-20، ەكپىنى 25 م/س كۇشەيەدى.

اقمولا، باتىس قازاقستان، قاراعاندى وبلىستارىنىڭ كەي جەرلەرىندە بۇرشاق جاۋىپ، جەل 15-20 م/س كۇشەيەدى، قاراعاندى وبلىسىنىڭ كەي جەرلەرىندە داۋىل بولادى.

سولتۇستىك قازاقستان، شىعىس قازاقستان وبلىستارىندا داۋىل، بۇرشاق بولىپ، جەلدىڭ ەكپىنى 25 م/س كۇشەيەدى، سولتۇستىك قازاقستان وبلىسىنىڭ كەي جەرلەرىندە تۇندە جانە تاڭەرتەڭ تۇمان بولادى.

اقتوبە، تۇندە ماڭعىستاۋ، كۇندىز قوستاناي، پاۆلودار وبلىستارىنىڭ كەي جەرلەرىندە جەل 15-20 م/س كۇشەيەدى.

«قىزىلوردا، تۇركىستان، جامبىل، اقتوبە وبلىستارىنىڭ باسىم بولىگىندە، قاراعاندى، الماتى، قوستاناي، باتىس قازاقستان وبلىستارىنىڭ كەي جەرلەرىندە، اقمولا، پاۆلودار، شىعىس قازاقستان وبلىستارىنىڭ جەكەلەگەن اۋداندارىندا توتەنشە ءورت قاۋپى ساقتالادى»، دەلىنگەن حابارلامادا.

سوڭعى جاڭالىقتار

ۇقساس جاڭالىقتار