ايتا كەتۋ كەرەك, قازاقستاندا Scopus بازاسىنا كىرەتىن 6 جۋرنال بولسا, ونىڭ 3-ءىن ەۋرازيا ۇلتتىق ۋنيۆەرسيتەتى باسىپ شىعارادى. بۇل ماتەماتيكالىق جانە كومپيۋتەرلىك قوسىمشالاردىڭ ەۋرازيالىق جۋرنالى, ەۋرازيالىق ماتەماتيكالىق جۋرنال جانە ەۋرازيالىق فيزيكا جانە فۋنكتسيالىق ماتەريالدار جۋرنالى.
ەۋرازيالىق فيزيكا جانە فۋنكتسيالىق ماتەريالدار جۋرنالى 2017 جىلدان بەرى جارىق كورىپ كەلەدى. جۋرنالدىڭ تەڭ قۇرىلتايشىلارى – «بىرىككەن يادرولىق زەرتتەۋلەر ينستيتۋتى» حالىقارالىق ۇكىمەتارالىق ۇيىمى (دۋبنا ق., رەسەي) جانە «قازاقستاننىڭ فيزيكا-تەحنيكالىق قوعامى». مۇندا يادرولىق فيزيكا, جوعارى ەنەرگيا فيزيكاسى, بالامالى ەنەرگەتيكا سالاسىنداعى عىلىمي تەوريالىق جانە ەكسپەريمەنتتىك زەرتتەۋلەردىڭ ناتيجەلەرى, ەنەرگەتيكالىق سەكتوردىڭ قورشاعان ورتاعا اسەرى, فۋنكتسيالىق ماتەريالدار مەن عىلىمدى قاجەتسىنەتىن تەحنولوگيالار تۋرالى اقپارات جاريالانادى.
رەداكتسيالىق القا قۇرامى قازاقستان, رەسەي, بەلارۋس, اقش, فرانتسيا, جاپونيا, فينليانديا, ۋكراينا, شۆەتسيا, يتاليا, وزبەكستان جانە انگليانىڭ بەلگىلى عالىمدارىنان, سونداي-اق CERN (يادرولىق زەرتتەۋلەر جونىندەگى ەۋروپالىق ۇيىم) جانە بيازي (بىرىككەن يادرولىق زەرتتەۋلەر ينستيتۋتى, دۋبنا قالاسى, رەسەي) الەمدىك دەڭگەيدەگى حالىقارالىق عىلىمي ۇيىمداردىڭ وكىلدەرىنەن تۇرادى. سونىمەن قاتار جۋرنالدا جاريالاناتىن ماقالا اۆتورلارىنىڭ 50%-دان استامى – شەتەلدىك عالىمدار.
عىلىمي ماقالالار مۇقيات ىرىكتەلىپ, تەك اعىلشىن تىلىندە شىعارىلادى.
ەۋرازيالىق فيزيكا جانە فۋنكتسيالىق ماتەريالدار جۋرنالى Scopus-پەن قاتار باسقا دا بەلگىلى حالىقارالىق عىلىمي مەتريكالىق دەرەكقورلاردا يندەكستەلەدى: Index Copernicus International Ltd Poland, Cross Ref (World), Google Scholar, Scilit (Basel, Switzerland), Research Bib (World), Ulrichs web, Cite Factor, DOAJ, رينتس (e-library).
جۋرنالدا جاريالاناتىن ماقالالاردى جوعارى بىلىكتى ماماندار ىرىكتەيدى. بۇل ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ حالىقارالىق عىلىمي جانە باسپا بەدەلىن كوتەرۋگە, اسىرەسە ۋنيۆەرسيتەتتىڭ 25 جىلدىق مەرەيتويىنا بايلانىستى لايىقتى ۇلەس قوسادى. عىلىمي جۋرنال تۋرالى تولىق اقپاراتتى باسىلىم سايتىنان الۋعا بولادى: www.ephys.kz.
