پرەزيدەنت • 11 ماۋسىم، 2021

سىندارلى كەزەڭ

46 رەت كورسەتىلدى

پرەزيدەنت قاسىم-جومارت توقاەۆتىڭ ەل تىزگىنىن ۇستاعانىنا دا ەكى جىلدىڭ ءجۇزى بولدى.

وسى ۋاقىت ارا­لىعىندا اۋىز تولتىرىپ ايتۋعا بولاتىن اۋقىمدى جۇمىستار اتقارىلىپ، ماڭىزدى شەشىمدەر قابىلدان­دى. ەڭ باستىسى، ەلدىڭ ەڭسە­سى بيىكتەپ، ابىرويى ارتا ءتۇستى.

وتانداستارىمىز جاقسى بىلە­تىندەي، وسىدان ەكى جىل بۇرىن تۇڭعىش پرەزيدەنت – ەلباسى نۇرسۇلتان نازارباەۆ تاريحي شەشىم قابىلداپ، ەل پرەزيدەنتى لاۋازىمىن قاسىم-جومارت توقاەۆقا ۇسىنعان بولاتىن. بۇل «جەتى رەت ولشەپ، ءبىر رەت كەسىلگەن»، جان-جاقتى تارازىلانعان شەشىم بولعانى انىق. سەبەبى ەل تىزگىنىن ۇستاۋ، مەملەكەت باسشىسى بولۋ دەگەن وڭاي دۇنيە ەمەس. وعان قوسا، دۇ­رىس شەشىم قابىلداپ، «وگىز­دى ولتىرمەۋدىڭ، اربانى سىن­دىرماۋدىڭ» جاۋاپ­كەرشىلىك جۇگى تاعى بار.

قاسىم-جومارت توقاەۆ وزىنە جۇكتەلگەن ماڭىزدى مىندەتتى ابىرويمەن ارقالاپ كەلەدى. سىن ساعاتتاردا سىنالىپ، شىڭدال­دى.  

ارينە، كوپ ادام «ەكى جىلدا ەلىمىز­دە نە وزگەردى، قانداي ماڭىزدى شەشىم­دەر قابىلداندى؟» دەگەن سۇراق قويۋى مۇمكىن. ەلىمىزدە وسى ارالىقتا وڭ وز­گەرىستەر وتە كوپ بولدى. ماسەلەن، مەم­لەكەت باسشىسى قاسىم-جومارت توقاەۆتىڭ جارلىعىمەن پرە­زي­دەنت جانىنداعى ۇلتتىق قوعامدىق سەنىم كەڭەسى قۇ­رىل­دى. وتكەن ەكى جىلدىڭ بيى­گى­نەن قارايتىن بولسا، اتالعان كەڭەس «حالىق ۇنىنە قۇلاق اساتىن مەم­لەكەت» تۇجىرىمداماسىن ىسكە اسى­رۋعا زور ۇلەس قوسا العانىن بايقاۋعا بولادى.

بۇل كەڭەس حالىقتى تول­عان­دىرعان، قوعامدى مازا­لاعان كوپتەگەن ماسەلە مەن سۇراقتىڭ جاۋابىن ىزدەپ، ولاردىڭ وڭ شەشىم تابۋىنا باستاماشى بولدى. ەل تاعدىرىنا بەيجاي قاراي المايتىن وتانداستارىمىز، بەلسەندى ازاماتتار، تاۋەلسىز ساراپشىلار وسى كەڭەستىڭ توڭىرەگىنە توپتاسىپ، تىزگە قوسىپ، باس بىرىكتىردى. ەكى جىلعا جۋىق مەرزىمدە ۇلتتىق قوعامدىق سەنىم كەڭەسىنىڭ مۇشەلەرى جۇيەلى جۇمىستىڭ ناتيجەسىن كورسەتە الدى. ءتۇرلى ۇسىنىس ايتىلىپ، با­يىپتى باستامالار كوتەردى. ونىڭ ءوزى قوعامداعى كەلى­سىم­نىڭ جەمىستى جەتىستىگى، وزىندىك ناتيجەسىنە اينالدى. سونىڭ تۇما باستاۋىندا قاسىم-جومارت توقاەۆ تۇر.

وزدەرىڭىز جاقسى بىلە­تىن­دەي، ەكونوميكا ءبىر عانا قازاق­ستاندا، بولماسا ءبىر عانا ورتالىق ازيادا ەمەس، بۇ­كىل الەمدە قۇبىلمالى بولىپ تۇر. وسىناۋ سىن ساعات­تا مەملەكەت باسشىسىنىڭ قا­زاق­­­ستان حالقىنا جاسا­عان جا­ناشىرلىعى مەن تانىت­­قان قامقورلىعى – نەسيە امنيستيا­­سى دەر ەدىم. مۇنداي امنيس­­تيا­نى پرەزيدەنت ەكى جىل ىشىن­دە ءبىر ەمەس، بىرنەشە مار­تە جاسادى. سونىڭ ناتيجە­سىن­­­دە قانشاما وتانداسىمىز قول­داۋ كورىپ، يىقتاعى جۇك­تە­مەسىن جەڭىلدەتە الدى. بۇل دا – پرە­زيدەنتكە ءتان ءپاتريو­تيزم­نىڭ، ازا­مات­تىقتىڭ بەلگىسءى.

الەمدى ابىگەرگە سالعان پاندەميا جاعدايىندا ءومىر ءسۇرىپ جاتقانىمىزعا دا بيىل ءبىر جىلدان اسىپ بارادى. وسى كەزەڭنىڭ وزىندە قاسىم-جومارت توقاەۆ ءوزىن ىسكەر تۇلعا، كوشباسشى رەتىندە كورسەتە الدى. دۇنيە دۇرلىگىپ جاتقان­دا پرەزيدەنتىمىز وتان­داستارىمىزدىڭ تىعى­رىققا تىرەلۋىنە جول بەرگەن جوق. حالىقتى، كاسىپ­كەرلىكتى قولداۋعا ارنالعان يگى ىستەر، تىڭ باستامالار قول­عا الىندى. قاراپايىم ازا­ماتتار، بيزنەسمەندەر ەڭسەسى باسىلىپ، قولداۋسىز قال­عان جوق. وسىنىڭ بارلىعى مەملەكەت باسشىسى ات­قار­عان اۋقىمدى جۇمىستاردىڭ ناق­تى ناتيجەسى دەپ بىلەمىن. مۇنداي اۋىر مىندەت پەن جاۋاپكەرشىلىك جۇگىن ەكى­نىڭ ءبىرى ارقالاي دا، اتقارا دا المايدى.

پاندەميا ادامزات بالا­سىنىڭ القىمىنان العالى بەرى دۇنيە جۇزىندە وننان اس­تام عانا ۆاكتسينا تىر­كەل­گەنىن بىلەمىز. سول ساۋ­ساق­پەن سانارلىق ۆاكتسي­نا­لاردىڭ اراسىنان وتان­دىق QazCovid-in ويىپ تۇرىپ ورىن الدى. بۇل نەنىڭ بەلگىسى؟ مەملەكەت باسشىسى ەلىمىزدەگى ءىلىم-عى­لىمنىڭ، مەديتسينا سالا­سى­ن­ىڭ دامۋىنا سەنىمدى سەر­پىلىس الا كەلدى. ەل ىشىندە ء«ۇيدىڭ وتاعاسى قانداي بولسا، وتباسىنىڭ جاعدايى دا سوعان ساي بولادى» دەگەن ءسوز بار.

پرەزيدەنتىمىز جەر-جاھاندى جايلاعان ىندەتكە، قيىن-قىستاۋ كەزەڭگە قارا­ماستان، ەلىمىزدەگى عىلىمنىڭ ىلگەرى­لەۋىنە كوپ كوڭىل ءبولىپ وتىر. QazCovid-in ۆاكتسيناسىن قۇلشىنىستىڭ ناقتى ناتيجەسى دەۋگە بولادى.

مەملەكەت باسشىسى­نىڭ ەلدى ەلەڭ ەتكىزگەن تاعى ءبىر باس­­تاماسى – زەي­نەتا­قى قو­رىن­­داعى قاراجاتتى ءتيىم­دى پاي­­دالانۋعا بەرۋ ماسە­لە­سىن جول­عا قويعانى. بۇل – كوپ­­­تەگەن مەملەكەت باس­شى­لارى­­نىڭ قولىنان كەلمەي­تىن، مۇن­­داي قادام­عا بارۋعا باتى­­لى جەت­پەيتىن باستاما. سول قادامدى قاسىم-جومارت توقاەۆ جاسادى. سو­نىڭ نا­­تي­­جەسىن­دە كوپتەگەن وتان­­دا­س­ى­­­مىز باسپانالى بولىپ، باس­پانا الماعاندارى قارا­جات­تارىن دەنساۋ­لىعىن جاقسار­تۋعا جۇمسادى. وسى يگى باستا­ما ءالى دە جالعاسىن تاۋىپ جاتىر.

ارينە، ەل پرەزيدەنتىنىڭ ەلگە سىڭىر­گەن ەڭبەگىن شاعىن ماقالاعا سىي­دىرۋ مۇم­كىن ەمەس. ءبىز­دىڭ اي­تىپ وتىر­عانىمىز – ەكى جىل­دا ات­قارىلعان ەڭسەلى ىستەر­دىڭ ءبىر پاراسى عانا. الدا  اۋقىمدى جۇمىستار، ماڭىز­دى باستامالار، باعىندى­رار بەلەس­تەر كوپ. ەڭ باستىسى، مەم­لە­كەت باسشىسىنىڭ ءار قادا­مى حالىقتىڭ جاعدايىن جاق­سارتۋعا، تۇرمىسىن تۇ­زەۋگە، ءال-اۋقاتىن ارتتىرۋعا باعىت­­تا­لىپ كەلەدى. كەلەر جىل­دارى دا سولاي بولا بەرە­تىنىنە سەنىمدىمىن.

 

گەننادي شيپوۆسكيح،

ءماجىلىس دەپۋتاتى

 

سوڭعى جاڭالىقتار

قولاعا كوڭىل تولماي تۇر

TOKYO2020 • بۇگىن، 22:13

كاسپي جاعالاۋىندا قوقىس كوپ

ەكولوگيا • بۇگىن، 20:47

قازان-نۇر-سۇلتان اۋە رەيسى اشىلادى

قازاقستان • بۇگىن، 18:45

COVID-19: وڭىرلەردەگى جاعداي كۇردەلى

كوروناۆيرۋس • بۇگىن، 18:03

نۇر-سۇلتاندا قانداي ۆاكتسينالار بار؟

كوروناۆيرۋس • بۇگىن، 17:19

الماتىدا قويما ورتەنىپ جاتىر

ايماقتار • بۇگىن، 10:30

ۇقساس جاڭالىقتار