فوتو: gov.kz
مينيسترلىك مالىمەتىنشە, اسكەرگە شاقىرۋ ماسەلەلەرى بويىنشا زاڭگەرلىك كەڭەس بەرۋ – زاڭدى قىزمەت. الايدا مەديتسينالىق قۇجاتتاردى قولدان جاساۋ, جالعان دياگنوزداردى راسىمدەۋ جانە اسكەري قىزمەتتەن جالتارۋدىڭ وزگە دە زاڭسىز تاسىلدەرى دەلدالدار ءۇشىن دە, شاقىرىلۋشىلار ءۇشىن دە قىلمىستىق جاۋاپكەرشىلىكپەن جازالانادى.
1 ناۋرىزدان باستاپ كوكتەمگى اسكەرگە شاقىرۋ باستالادى
«مەرزىمدى اسكەري قىزمەت وتكەرۋ كەزىندە جانە قىزمەتتەن بوساتىلعاننان كەيىن ەكى اي ىشىندە اسكەري قىزمەتشىلەر ءۇشىن كرەديتتىك دەمالىس (نەسيەلىك كانيكۋل) تەتىگى قولدانىلادى. بەلگىلەنگەن مەرزىمدى تولىق وتەگەن ازاماتتارعا ءبىلىم بەرۋ جەڭىلدىكتەرى ۇسىنىلادى. سونىڭ ىشىندە ولارعا ستۋدەنتتىك جاتاقحانادان ورىن الۋعا دا باسىم قۇقىق بەرىلەدى. سونداي-اق جوعارى وقۋ ورنىنا ۇبت تاپسىرماي-اق ءبىلىم بەرۋ گرانتىن الۋ مۇمكىندىگى قاراستىرىلعان. بۇگىنگى تاڭدا ەلىمىزدىڭ جوعارى وقۋ ورىندارىندا تەگىن ءبىلىم الۋعا ارنالعان سەرتيفيكاتتار مەرزىمدى اسكەري قىزمەت وتكەرگەن 9 مىڭنان استام قازاقستاندىققا بەرىلدى», دەلىنگەن مينيسترلىك حابارلاماسىندا.
ۆەدومستۆو ازاماتتاردى وسى ماسەلەلەردى ەسكەرىپ, الاياقتىق جۇيەنىڭ قۇربانى بولماۋعا ۇندەپ وتىر.
ايتا كەتەيىك, 18-دەن 27 جاسقا دەيىنگى, كەيىنگە قالدىرۋ نەمەسە بوساتۋ قۇقىعى جوق ەر ازاماتتار اسكەرگە شاقىرىلادى. شاقىرۋ جىلىنا ەكى رەت, ناۋرىزدان ماۋسىمعا دەيىن جانە قىركۇيەكتەن جەلتوقسانعا دەيىن جۇرگىزىلەدى.
ەندى كۋرسانتتاردى اسكەري وقۋ ورىندارىنا قابىلداۋ eGov ارقىلى جۇرگىزىلەدى
