ينديرا بەكتەنوۆا – بۇل سپورت تۇرىنەن قازاقستاننان شىققان حالىقارالىق ساناتتاعى العاشقى ايەل تورەشى.
«قازاقستان اتىنان ءىرى حالىقارالىق جارىستاردا ەل نامىسىن قورعاپ, ايەلدەر اراسىندا حالىقارالىق ساناتقا يە بولعان العاشقى قازاق تورەشى اتانۋ – مەن ءۇشىن ۇلكەن مارتەبە. بۇل – كوپجىلدىق ەڭبەكتىڭ جانە الەمدىك سپورت ۇيىمدارى سەنىمىنىڭ ناتيجەسى», دەدى ي. بەكتەنوۆا.
سونىمەن قاتار ول ۆەنگريانىڭ سەگەد قالاسىندا وتەتىن الەم كۋبوگى كەزەڭىندە حالىقارالىق فەدەراتسيا (ICF) تورەشىلەر القاسىنىڭ قۇرامىندا مارە سىزىعىنداعى تورەشى (Finish Line Judge) قىزمەتىن اتقارادى.
ايتا كەتەيىك, حح جازعى ازيا ويىندارى 2026 جىلدىڭ 19 قىركۇيەگى مەن 4 قازانى ارالىعىندا جاپونيانىڭ ناگويا قالاسى مەن ايتي پرەفەكتۋراسىندا وتەدى. جارىس باعدارلاماسىنا 41 سپورت ءتۇرى ەنگەن, وندا 460 جۇلدە جيىنتىعى ساراپقا سالىنادى.
