وقيعا • 10 ماۋسىم، 2021

وسكەمەن تۇرعىنىن بانك بولىمشەسىندە توناپ كەتكەندەر ۇستالدى

825 رەت كورسەتىلدى

وسكەمەن تۇرعىنىنىڭ بانك بولىمشەسىندەگى بانكوماتتان شەشىپ العان 720 مىڭ تەڭگەسىن ۇرلاعان ەكى ەلوردالىق ازامات تابىلدى، دەپ حابارلايدى Egemen.kz.

قالالىق پوليتسيا باسقارماسى ءباسپاسوز قىزمەتىنىڭ مالىمەتىنشە، بانككە كەلگەن 55 جانە 39 جاستاعى ەكى ەر ادام كىسى توناماق بولعان.

«جابىرلەنۋشىنىڭ بانكوماتتان شەشكەن 720 مىڭ تەڭگەسىن تارتىپ العان توناۋشىلار ءىزىن سۋىتپاق بولىپ، پاۆلودار ارقىلى نۇر-سۇلتانعا جەڭىل كولىكپەن بەت الادى. وسكەمەندىك كريمينالدىق پوليتسيا قىزمەتكەرلەرى ەلوردا جانە پاۆلودار قالالارىنىڭ پوليتسيا دەپارتامەنتتەرىمەن بىرلەسىپ كۇدىكتىلەردى استانادان قولعا ءتۇسىردى»،  دەپ حابارلادى ۆەدومستۆو وكىلدەرى.

بەلگىلى بولعانداي، ەكى ەر ادام توناۋدىڭ ۋاقىتى مەن ورنىن الدىن الا جوسپارلاپ، ادام كوپ شوعىرلانعان جەردى ادەيى تاڭداپ العان. كۇدىكتىلەر اقشانىڭ جارتىسىن جاراتىپ ۇلگەرىپتى. قازىرگى ۋاقىتتا جابىرلەنۋشىگە قالعان سوما قايتارىلدى.

ءوز كىنالارىن تولىق مويىنداعان توناۋشىلار وسكەمەندە ۋاقىتشا ۇستاۋ يزولياتورىنا قاماۋعا الىندى. ولارعا قاتىستى قر قك-ءنىڭ 191 بابى 2 بولىگىنە سايكەس سوتقا دەيىنگى تەرگەۋ امالدارى جۇرگىزىلۋدە.

 

سوڭعى جاڭالىقتار

اقسۋدا قارتتار ءۇيى ورتەندى

ايماقتار • بۇگىن، 09:57

ۇقساس جاڭالىقتار