ايماقتار • 10 ماۋسىم، 2021

پاۆلودار وڭىرىندە شەگىرتكەلەر سانى ازايىپ كەلەدى

8 رەت كورسەتىلدى

پاۆلودار وبلىسىندا شەگىرتكەلى زيانكەستەرگە قارسى قورعاۋ ءىس-شارالار تۋرالى قر اشم اوك ميك پاۆلودار وبلىستىق اۋماقتىق ينسپەكتسياسى باسشىسىنىڭ ورىنباسارى ارمان شۇيكەنوۆ ءمالىم ەتتى، دەپ حابارلايدى Egemen.kz.

ارمان شۇيكەنوۆ وبلىستا ساياق جانە ءۇيىرلى شەگىرتكەلەر بار ەكەنىن اتاپ ءوتتى. ساياق شەگىرتكەلەردىڭ وبلىسىمىزدا 12 ءتۇرى بار.

«بيىل ساياق شەگىرتكەلەرمەن كۇرەسكە وبلىستىق بيۋدجەتتەن 7،163 ميلليون تەڭگە قاراجات ءبولىندى. وڭدەۋ جۇمىستارىن 6،6 مىڭ گەكتار جەردە، وبلىستىڭ بارلىق 10 اۋدانىندا جانە پاۆلودار، اقسۋ، ەكىباستۇز قالالارىنىڭ اۋىلدىق ايماقتارىندا وتكىزۋ جوسپارلانىپ جاتىر»، دەدى ارمان شۇيكەنوۆ.

ال اسا قاۋىپتى ءۇيىرلى شەگىرتكەنىڭ قازاقستاندا 3 ءتۇرى بار. پاۆلودار وبلىسىندا تەك جالعىز ءتۇرى – يتالياندىق پرۋس مەكەندەيدى.

«وبلىسىمىزدا اسا قاۋىپتى شەگىرتكەنىڭ كولەمى جىل سايىن ازايۋدا. 2000 جىلداردىڭ باسىندا 1 ميلليون 200 مىڭ گەكتار وڭدەلەتىن. 2012 جىلى 120 مىڭ گەكتار وڭدەلدى. ازايۋ 2018 جىلدان باستالدى. ول جىلى 85 مىڭ گەكتار، 2019 جىلى 22،2 مىڭ گەكتار، 2020 جىلى – 8 مىڭ، بيىل 2021 جىلى 3048 گەكتار جەر وڭدەلمەك. بۇل اسا قاۋىپتى شەگىرتكەلەرگە رەسپۋبليكالىق بيۋدجەتتەن قاراجات بولىنەدى»، دەدى ارمان شۇيكەنوۆ.

سپيكەر وڭىرىمىزدە شەگىرتكەلەر مامىر ايىندا پايدا بولا باستايتىنىن ايتتى. سونداي-اق شەگىرتكەلەر قاۋىپتى مولشەرگە جەتكەن كەزدە عانا حيميالىق وڭدەۋ جۇرگىزىلەدى.

«بيىل يتالياندىق پرۋس 12 مامىردا باياناۋىل اۋدانىندا، ساياق شەگىرتكەلەر 5 مامىردان پايدا بولا باستادى. بيىل يتالياندىق پرۋسقا قارسى وڭدەۋ جۇمىستارى جەلەزين، ەرتىس جانە شارباقتى اۋداندارىنان باسقا، وبلىستىڭ بارلىق اۋداندارىندا جۇرگىزىلىپ وتىر. سەبەبى بۇل اۋدانداردا ءۇيىرلى شەگىرتكەنىڭ قونىستانعان كولەمى ەكونوميكالىق زياندى شەگىنەن اسپايدى»، دەدى ارمان شۇيكەنوۆ.

اسا قاۋىپتى شەگىرتكەلەر بويىنشا حيميالىق وڭدەۋگە جاتقىزىلاتىن ەڭ ۇلكەن كولەمدەر پاۆلودار اۋدانىندا – 1،200 مىڭ گا، تەرەڭكول اۋدانىندا – 0،558 مىڭ گا جانە اقسۋ قالاسىنىڭ اۋىلدىق ايماعىندا 0،327 مىڭ گا كولەمدى قۇرايدى.

سوڭعى جاڭالىقتار

بالالار Ashyq جۇيەسىنە ەنگىزىلە مە؟

قازاقستان • بۇگىن، 19:20

شىمكەنتتە كارانتين كۇشەيتىلەدى

ايماقتار • بۇگىن، 15:47

اتوم كولگە ساپار

ايماقتار • بۇگىن، 15:37

قازاقستاندا جاڭا تەلەارنا اشىلدى

قازاقستان • بۇگىن، 11:55

ۇقساس جاڭالىقتار