ايماقتار • 10 ماۋسىم، 2021

ەكولوگيا ءمينيسترى ەگىس القاپتارىن سۋمەن قامتاماسىز ەتۋدىڭ جاعدايىن ءتۇسىندىردى

149 رەت كورسەتىلدى

ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ ەلىمىزدىڭ وڭتۇستىك وڭىرىندەگى ەگىس القاپتارىن سۋمەن قامتاماسىز ەتۋدىڭ جاعدايىن ءتۇسىندىردى، دەپ حابارلايدى Egemen.kz

«بيىل اقپان-ناۋرىز ايلارىندا ءبىز اۋىل شارۋاشىلىعى مينيسترلىگىمەن وڭىرلەرگە بارىپ، كەڭەستەر وتكىزدىك. قالىپتاسىپ وتىرعان سۋ شارۋاشىلىعى جاعدايى تۋرالى جان-جاقتى حاباردار ەتتىك. جانە سۋدى كوپ قاجەت ەتەتىن داقىلداردىڭ ەگىستىگىن ازايتۋدى ۇسىنىپ، ۆەگەتاتسيا كەزەڭىنە ءتيىستى دايىندىقتاردى وتكىزدىك. الماتى وبلىسى بويىنشا بيىل جوسپارلانعان 449 مىڭ گەكتار سۋارمالى جەردىڭ 371 مىڭ گەكتارى بويىنشا ەگۋ جۇمىستارى ءوتتى. كەيبىر جەرلەردە ەگىس جۇمىستارى جالعاسۋدا. جالپى، ۆەگەتاتسيا كەزەڭى اسا ءبىر قيىن ءوتىپ جاتىر دەپ ايتۋعا بولمايدى. بىراق، ىلە وزەنىندەگى بىلتىرعى ۆەگەتاتسيا كەزەڭىندە وزەن اعىسىنىڭ كوپجىلدىق دەرەكتەرىمەن سالىستىرعاندا اعىن كورسەتكىشى نورمادان 70 پايىزعا تومەن بولدى. بىلتىر قاپشاعاي سۋ قويماسى بويىنشا قيىن جاعداي قالىپتاسقانىن ەسكەرۋ قاجەت. بۇل جايت اعىمداعى جىلى دا قايتالانۋى مۇمكىن»، دەدى م.مىرزاعاليەۆ.

ونىڭ ايتۋىنشا، وسىعان بايلانىستى وبلىس اكىمدىگى قالا تۇرعىندارىن اۋىز سۋمەن تۇراقتى جانە ۇزدىكسىز قامتاماسىز ەتۋ ماقساتىندا قاپشاعاي جانە اقدالا، شەڭگەلدى سۋارمالى القاپتارىندا ءتيىستى ءىس-شارالار قابىلداۋ كەرەك.

«جامبىل وبلىسى بويىنشا بيىل سۋارمالى جەرلەر الاڭىندا بارلىعى 110 مىڭ گەكتار اۋىل شارۋاشىلىعى داقىلدارى ورنالاستىرىلدى. ونىڭ ىشىندە بۇگىنگى كۇنى 48،4 مىڭ گەكتارى سۋارىلدى. قازىرگى ۋاقىتتا قورداي اۋدانىندا قىرعىزستاننان كەلەتىن سۋارمالى سۋدىڭ تۇراقتى بەرىلمەۋى بايقالدى. سونىمەن قاتار، ىستىق اۋا-رايىنىڭ قالىپتاسۋى اسەر ەتىپ وتىر. وسىعان بايلانىستى قورداي، بايزاق، جامبىل جانە تالاس اۋداندارىنىڭ اۋىل شارۋاشىلىعى تاۋار وندىرۋشىلەرىمەن ءتۇسىندىرۋ جۇمىستارى جۇرگىزىلىپ جاتىر. شارۋاشىلىقتار اراسىنداعى سۋ كەزەكتىلىكتى ساقتاي وتىرىپ، سۋ اينالىمى ادىسىمەن بەرىلەدى»، دەدى مينيستر.

ونىڭ ايتۋىنشا، قىزىلوردا وبلىسى بويىنشا سىرداريا وزەنىندەگى سۋ دەڭگەيىنىڭ تومەن بولۋىنا بايلانىستى وبلىستىڭ سۋارمالى جەرلەرىن، اسىرەسە، كۇرىش ەگىستىكتەرىن سۋمەن قامتاماسىز ەتۋ بويىنشا كۇردەلى جاعداي جالعاسىپ كەلەدى.

«اكىمدىكتىڭ دەرەكتەرى بويىنشا 2021 جىلعا ارنالعان ەگىس جوسپارى شامامەن 188 مىڭ گەكتار قۇرايدى. ونىڭ ىشىندە 84،4 مىڭ گەكتارىنا كۇرىش ەگۋ جوسپارلانعان بولسا، بۇگىنگى تاڭدا ناقتى سەكسەن ءۇش 83 مىڭ گەكتار ەگىلدى. بۇل بىلتىرعا قاراعاندا 7 مىڭ گەكتارعا از»، دەدى م.مىرزاعاليەۆ.

تۇركىستان وبلىسى بويىنشا 2021 جىلعا جوسپارلانعان ەگىس كولەمى 440 مىڭ گەكتاردى قۇرايدى. ونىڭ ىشىندە كۇرىش القاپتارى – 2 مىڭ گەكتار. وسى ايماققا تيەسىلى اعىننىڭ شامامەن 85% پايىزى وزبەكستاننان كەلىپ تۇسەدى.

شاردارا سۋ قويماسىنىڭ كولەمى وتكەن جىلمەن سالىستىرعاندا 550 ملن تەكشە مەترگە از بولىپ تۇر. «دوستىق» كانالىندا وتىنىمدەردىڭ ۇلعايۋىنا بايلانىستى مامىر ايىنىڭ ەكىنشى ونكۇندىگىنەن شاردارا سۋ قويماسىنان ماشينالىق سۋ بەرۋ ارناسى ىسكە قوسىلدى.

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ەگىزدەر فەستيۆالى

قوعام • بۇگىن، 08:00

ۇقساس جاڭالىقتار