كەزدەسۋ بارىسىندا تاراپتار ەكى ەل اراسىنداعى ىنتىماقتاستى ايتا كەلىپ, شىمكەنتتە توقىما ونەركاسىبىن دامىتۋ جايىن ءسوز قىلدى.
«شىمكەنت – دامىعان ينفراقۇرىلىمى, باي تابيعي جانە ەڭبەك رەسۋرستارى بار قازاقستاننىڭ ەكونوميكاسى دامىعان ءۇشىنشى مەگاپوليسى. قالا ورتالىق ازيادا ينۆەستيتسيالار مەن تەحنولوگيالاردى تارتۋدىڭ جاڭا ورتالىعىنا اينالۋى ءۇشىن زور الەۋەتكە يە. وڭىرلىك بولىنىستە قالانىڭ جەڭىل ونەركاسىپتەگى ءوندىرىس كولەمى 9,6 ملرد.تەڭگەنى قۇراپ (جىل باسىنان باستاپ) ەلىمىزدە ءبىرىنشى ورىن الىپ, وتكەن جىلمەن سالىستىرعاندا 134,1%-عا ۇلعايدى. قالا ءوندىرىسىنىڭ جالپى كولەمىندەگى جەڭىل ونەركاسىپتىڭ ۇلەسى 3,9%-دى, ەلدەگى جەڭىل ونەركاسىپتىڭ ۇلەسى – 20,7%-دى قۇرايدى», دەگەن قالا اكىمى جاڭا جوبالاردى بىرلەسە جاساۋعا شاقىردى.
ال رەسەيلىك كاسىپكەر «وڭتۇستىك» اەا-دا ورنالاسقان «Azala Cotton» توقىما فابريكاسىنىڭ جۇمىسىمەن تانىسقانىن ايتا كەلە, ورتاق جۇمىس جاساۋعا مۇددەلىلىك تانىتاتىنىن ءبىلدىردى.
ايتا وتسەك, اۋماعى 200 گەكتاردى الىپ جاتقان «وڭتۇستىك» ارنايى ەكونوميكالىق ايماعى 2005 جىلى قۇرىلعان بولاتىن. بۇگىندە ەكونوميكالىق ايماقتىڭ اۋماعىندا ينۆەستيتسيا كولەمى 42,95 ملرد تەڭگە بولاتىن 25 جوبا جۇزەگە اسىرىلىپ جاتىر. 2293 تۇراقتى جۇمىس ورنى اشىلدى.
رەزيدەنتتەر ءۇشىن تەگىن جەر ۋچاسكەسى, جەر سالىعىن, م ۇلىك سالىعىن جانە كورپوراتيۆتىك تابىس سالىعىن تولەۋدەن بوساتۋ تۇرىندە ينۆەستيتسيالىق جەڭىلدىكتەر مەن پرەفەرەنتسيالار كوزدەلگەن. 100 پايىز ينفراقۇرىلىممەن قامتىلعان.
سونداي-اق اەا اۋماعىندا سۋمەن جابدىقتاۋ جانە ەلەكتر ەنەرگياسىنا تاريفتەر شىمكەنت قالاسىندا جالپى بەلگىلەنگەن تاريفتەردەن ايتارلىقتاي تومەن ەكەنىن اتاپ وتكەن ءجون.
