يگى ءىس-شاراعا رەسپۋبليكالىق جاستار ۇيىمدارىنىڭ, اتاپ ايتقاندا, قازاقستان حالقى اسسامبلەياسى جانىنداعى «جاڭعىرۋ جولى» رەسپۋبليكالىق جاستار قوزعالىسىنىڭ, Nur Otan پارتياسىنىڭ Jas Otan جاستار قاناتىنىڭ, قازاقستان جاستارى كونگرەسىنىڭ, ەل پرەزيدەنتىنىڭ «بولاشاق» حالىقارالىق ستيپەندياسى تۇلەكتەرى قاۋىمداستىعىنىڭ, «جاس ۇلان» رەسپۋبليكالىق بالالار-جاسوسپىرىمدەر ۇيىمىنىڭ, قازاقستان ستۋدەنتتەر اليانسىنىڭ, قازاقستان كتك وداعىنىڭ باسشىلارى مەن وكىلدەرى قاتىستى.
– «مەنىڭ تۋىم, مەنىڭ ەلتاڭبام, مەنىڭ ءانۇرانىم – مەن ءۇشىن قالىپتاسقان قازاقستاندى بەينەلەيتىن كيەلى نىشاندار». قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ بۇل سوزدەرى ءاربىر پاتريوتتىڭ سەزىمىن بىلدىرەدى. ۇلى وتانىمىز, وتباسىمىز, جاقىندارىمىز جانە دوستارىمىز تۋرالى ءاردايىم ەسكە سالاتىن قاسيەتتى نىشاندار. سوندىقتان دا, ءبىز – قازاقستان جاستارى ەل تاۋەلسىزدىگىنىڭ 30 جىلدىعى اياسىندا مەملەكەتتىك رامىزدەرىمىزگە قاراپ, كەۋدەمىزدى وتانعا دەگەن زور ماقتانىش كەرنەيدى. بىزگە ادىلەتسىزدىك پەن قاقتىعىسقا توزبەيتىن قوعامدا بابالارىمىز عۇمىر كەشىپ, بولاشاق ۇرپاعىمىز مىڭ جاسايتىن جەردە, شاڭىراعىمىز كوتەرىلگەن, جاقىندارىمىز تۇراتىن تاۋەلسىز قازاقستاندا دۇنيەگە كەلۋ, ءومىر ءسۇرۋ جانە جاسامپاز بولۋ باقىتى بۇيىردى, – دەدى جاستاردىڭ پاتريوتتىق اكتىسىن جاريالاعان Jas Otan جاستار قاناتىنىڭ توراعاسى نۇرجان جەتپىسباەۆ.
اتالعان پاتريوتتىق اكتىنى ورىس تىلىندە «جاڭعىرۋ جولى» رەسپۋبليكالىق جاستار قوزعالىسىنىڭ توراعاسى تەمىر جۇمىرباەۆ جاريالادى. سونداي-اق جاستار ۇيىمدارىنىڭ بىرقاتار وكىلى پاتريوتتىق اكتسيا مەن پاتريوتتىق اكتىنى قولداۋعا نيەت ءبىلدىردى.
– ەركىندىككە ۇمتىلعان حالقىمىز نەبىر قيىن-قىستاۋ جولدى ءجۇرىپ ءوتتى. تاۋەلسىزدىككە قول جەتكىزىپ, ەل ىرگەسىن قالاۋدىڭ اۋىر كەزەڭدەرىن باستان وتكەردى. بۇل جولدا جەڭىس تە, جەڭىلىس تە قاتار ءجۇردى. تاريحي وقيعالار بولدى. وسىنىڭ بارلىعىن مەملەكەتتىك رامىزدەرىمىز بەرگەن رۋحتىڭ, قايسارلىقتىڭ ارقاسىندا وتكەردىك. ەلىمىزدىڭ ەگەمەندىگى مەن بوستاندىعىن وسى رامىزدەرىمىز ايقىنداپ تۇر. مەملەكەتتىك نىشاندار – تەك ساندىك, كوركەمدىك بەينەلەر عانا ەمەس. سونداي-اق العا قويعان ازاتتىق يدەياسىنىڭ ىسكە اسقاندىعىنىڭ كورىنىسى. بۇل يدەيا ادامداردىڭ سانا-سەزىمىنە ۇيالادى, – دەدى «بولاشاق» حالىقارالىق ستيپەندياسى تۇلەكتەرى قاۋىمداستىعى توراعاسىنىڭ ورىنباسارى الىشەر دۇنگەنين.
اكتسيا الەۋمەتتىك جەلىلەردە تىكەلەي ەفيردە كورسەتىلىپ, ونى جاستار ۇيىمدارىنىڭ ايماقتىق فيليالدارى مەن جاستار رەسۋرستىق ورتالىقتارى دا قولدادى. سونداي-اق, ارنايى #مەنىڭ رامىزدەرىم; #مەنىڭ تۋىم; #مەنىڭ قازاقستانىم; #رامىزدەر كۇنى حەشتەگتەرى ارقىلى ناسيحاتتادى. تاۋەلسىزدىكتىڭ ۇرپاعى, قۇرداسى سانالاتىن جاس بەلسەندىلەر وتانداستارىمىزدى ەگەمەن ەلىمىزدىڭ جەتىستىكتەرىن تەرەڭ قۇرمەتتەۋگە جانە قازاقستاننىڭ قارىشتاي بەرۋى ءۇشىن اعا بۋىننىڭ جاسامپاز باستامالارىن جالعاستىرۋعا شاقىردى. جاستاردى جاسامپازدىققا, رۋحاني-ادامگەرشىلىككە ۇندەدى. جالپى مەملەكەتتىك رامىزدەر كۇنىنە وراي پاتريوتتىق اكتسيالار, سپورتتىق جارىستار مەن تۋرنيرلەر, كىتاپ كورمەلەرى, چەلەندجدەر, سۋرەت بايقاۋلارى, تاقىرىپتىق كەزدەسۋلەر سىندى ءتۇرلى فورماتتاعى 400-گە جۋىق ءىس-شارا ۇيىمداستىرىلدى. سونىڭ 170-تەن استامى – ونلاين-فورماتتا وتكىزىلدى.
پاتريوتتىق اكتسيانىڭ سوڭى جىلداعى ۇردىستەن جاڭىلماي, اۆتوشەرۋگە ۇلاستى. اتالعان شەرۋ 2017 جىلدان بەرى ءداستۇرلى تۇردە وتكىزىلىپ كەلەدى. وسىلايشا, مەملەكەتتىك رامىزدەر كۇنى مەن ەل ەگەمەندىگىنىڭ 30 جىلدىق مەرەيتويىنا ورايلاستىرىلعان شەرۋگە قاتىسۋشىلار وسى جىلى 30 شاقىرىمدى ەڭسەردى. اۆتوشەرۋگە مەرەكەگە وراي مەملەكەتتىك تۋمەن بەزەندىرىلگەن 10 شاقتى موتوتسيكل مەن 40-قا جۋىق جەڭىل اۆتوكولىك, سونداي-اق سپورتتىق كولىكتەر قاتىستى.
