ايماقتار • 08 ماۋسىم، 2021

الماتىداعى تسەمەنت زاۋىتىندا جارىلىس بولدى

2238 رەت كورسەتىلدى

الماتىداعى تسەمەنت زاۋىتىندا جارىلىس بولدى. الماتى قالالىق ەكولوگيا دەپارتامەنتى اقپاراتتى راستادى، دەپ حابارلايدى Egemen.kz.

دەپارتامەنتتىڭ مالىمەتىنشە، 7 ماۋسىم كۇنى كەشكى ساعات 20.00 شاماسىندا پاۆلودارسكايا 48 كوشەسىندە ورنالاسقان وندىرىستىك بازاسىندا تسەمەنت تاسيتىن كولىكتەن شيكىزاتتى سىعىندى ىدىسقا ايداۋ كەزىندە توتەنشە جاعداي ورىن العان. وعان سەبەپ – تسەمەنت تاسيتىن ماشينانىڭ شلانگىسى جوعارى قىسىمعا شىداماي، جارىلعان.

«ەكولوگيا دەپارتامەنتىنىڭ قىزمەتكەرلەرى توتەنشە جاعداي ورىن العان جەرگە بارىپ، زاۋىت اۋماعىنان سىنامالار الدى. ونىڭ ناتيجەسى اۋاعا جايىلعان شاڭنىڭ رۇقسات ەتىلگەن شوعىرلانۋ نورماتيۆتەرىنەن اسىپ كەتكەنىن كورسەتتى. جوسپاردان تىس تەكسەرۋ جۇرگىزىلەدى. ونىڭ ناتيجەسى تۋرالى قوسىمشا حابارلانادى»، دەدى دەپارتامەنتتەگىلەر.

قازىرگى ۋاقىتتا، مەملەكەتتىك ەكولوگيالىق ساراپتامانىڭ 2018 جىلعى قورىتىندىسىن قايتارىپ الۋ تۋرالى سوت ءوندىرىسى ءجۇرىپ جاتىر.

«الماتى قالاسى بويىنشا ەكولوگيا دەپارتامەنتىنىڭ سوتقا دەيىن جەتكىزبەي ماسەلەنى شەشۋ تۋرالى حاتى نەگىزىندە قالانىڭ جاسىل ەكونوميكا باسقارماسى مەملەكەتتىك ەكولوگيالىق ساراپتامانىڭ قورىتىندىسىنان ايىرۋ (قايتارىپ الۋ) تۋرالى مامانداندىرىلعان اۋدانارالىق ەكونوميكالىق سوتىنا تالاپ ارىزبەن جۇگىندى. 2018 جىلعى 16 قاراشاداعى «وندىرىستىك بازا» ءۇشىن شىعارىندىلار نورماتيۆتەرى (ماكسيمالدى رۇقسات ەتىلگەن شىعارىندىلار)» جوباسى بويىنشا شىعارىلعان جانە قورشاعان ورتاعا ەميسسيالاردىڭ كۇشىن جويۋ تالاپ ەتىلەدى. قازىرگى ۋاقىتتا سوت پروتسەستەرى ءجۇرىپ جاتىر»، دەلىنگەن ەكولوگيا دەپارتامەنتى تاراتقان حابارلامادا.

سوڭعى جاڭالىقتار

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

ۇقساس جاڭالىقتار