الەم • 08 ماۋسىم, 2021

اتامباەۆتىڭ جاعدايى اۋىر ەكەنى ايتىلدى

330 رەت

كورسەتىلدى

1 مين

وقۋ ءۇشىن

قىرعىزستاننىڭ بۇرىنعى پرەزيدەنتى المازبەك اتامباەۆتى شۇعىل اۋرۋحاناعا جاتقىزۋ كەرەك. بۇل تۋرالى ونىڭ ادۆوكاتى زامير جووشەۆ مالىمدەدى, دەپ حابارلايدى Egemen.kz.

گاۋھار قاپاش

ونىڭ ايتۋىنشا, قورعالۋشىسىندا ينفاركت بولۋى مۇمكىن, بۇرىنعى اۋرۋلارى دا اسقىنىپ كەتكەن. اتاپ ايتقاندا, ارقاداعى اۋىرسىنۋ كۇشەيە ءتۇستى. الايدا ءبىر اي بۇرىن تاعايىنداعان سوت-مەديتسينالىق ساراپتاما ءالى اياقتالعان جوق.

ادۆوكاتتىڭ سوزىنشە, 148 پاراق مەديتسينالىق تاريحىنىڭ كوشىرمەسى سۋديالارعا بەرىلگەن. ول ساراپتاما تاعايىندالعانىن اتاپ ءوتتى.

«المازبەك اتامباەۆ كەشەندى ەمدەۋدى قاجەت ەتەدى. ول ونى كولونيا جاعدايىندا الا المايدى. ءبىز ونى اۋرۋحاناعا جاتقىزۋ ءۇشىن سانكتسيانى ۇيقاماققا وزگەرتۋگە بىرنەشە رەت ءوتىنىش جازعانبىز. بىراق كەلىسىم بەرمەي جاتىر», دەدى زامير جووشەۆ.

ەسكە سالايىق, المازبەك اتامباەۆقا قاتىستى بىرنەشە قىلمىستىق ءىس قوزعالدى, ونىڭ ىشىندە 2019 جىلعى 7-8 تامىزدا بولعان قوي-تاش اۋىلىنداعى تارتىپسىزدىكتەر, سىبايلاس جەمقورلىق دەرەكتەرى جانە قىلمىستىق كىرىستەردى زاڭداستىرۋ ىستەرى بار. قاڭتاردا قىرعىزستاننىڭ ەكس-پرەزيدەنتى تەرگەۋ يزولياتورىنان كولونياعا اۋىستىرىلدى.