پارلامەنت • 08 ماۋسىم، 2021

سەنات توراعاسى ازەربايجاننىڭ قازاقستانداعى ەلشىسىن قابىلدادى

58 رەت كورسەتىلدى

سەنات توراعاسى ماۋلەن اشىمباەۆ ەلىمىزدەگى ديپلوماتيالىق ميسسياسىنىڭ اياقتالۋىنا بايلانىستى ازەربايجاننىڭ قازاقستانداعى ەلشىسى راشاد ماممادوۆتى قابىلدادى، دەپ حابارلايدى Egemen.kz سەناتتىڭ ءباسپاسوز قىزمەتىنە سىلتەمە جاساپ.

كەزدەسۋ بارىسىندا ماۋلەن اشىمباەۆ راشاد ماممادوۆقا قازاقستان مەن ازەربايجان اراسىنداعى دوستىق قاتىناستى نىعايتۋعا قوسقان زور ۇلەسى ءۇشىن العىس ءبىلدىردى.

ء«بىزدىڭ حالىقتارىمىز اراسىنداعى بايلانىس تەرەڭنەن تامىر تارتادى. تاۋەلسىزدىك العالى بەرى قاتىناسىمىز ءوزارا سەنىم مەن تۇسىنىستىككە نەگىزدەلىپ، جاڭا مانگە جانە ستراتەگيالىق سەرىكتەستىك سيپاتىنا يە بولدى. قازىرگى تاڭدا ەكى ەلدىڭ ءوزارا ىنتىماقتاستىعى تاريحي داستۇرگە تابان تىرەپ، بارلىق سالادا ناتيجەلى دامىپ كەلەدى»، دەدى ماۋلەن اشىمباەۆ.

سونىمەن قاتار سەنات توراعاسى پارلامەنتارالىق ىنتىماقتاستىق قازاقستان-ازەربايجان قاتىناسىنداعى ماڭىزدى تەتىكتەردىڭ ءبىرى ەكەنىن ايتتى. قازىرگى تاڭدا ەكى ەلدىڭ پارلامەنتارالىق بايلانىسى ەكىجاقتى نەگىزدە دە جانە پا، تمد، تۇركپا، ەقىۇ پا جانە پارلامەنتارالىق وداق سياقتى حالىقارالىق قۇرىلىمدار اياسىندا دا بەلسەندى دامىپ كەلەدى.

ءوز كەزەگىندە، راشاد ماممادوۆ سەنات باسشىلىعىنا ەلشى رەتىندە اتقارعان قىزمەتىنە قولداۋ بىلدىرگەنى ءۇشىن العىسىن جەتكىزدى.

سوڭعى جاڭالىقتار

دوللار ارزاندادى

قارجى • بۇگىن، 16:50

بيىل 93 ەلدى مەكەن گازبەن قامتىلادى

قازاقستان • بۇگىن، 14:01

ۇقساس جاڭالىقتار