شالقار اۋدانىنداعى ەكى اۋىلدا 100-گە جۋىق ۇساق مالى بۇراشاقتان كەيىن پىشاققا ءتۇسىپتى. ويتكەنى جايىلىمدا جۇرگەن ۇساق مال توپەلەپ جاۋعان جاۋىندى كوتەرە الماي قالعان. شالاجانسار قوي-ەشكىنى اۋىلعا جەتكىزىپ, ءتىرى قالعانىن باۋىزداپ ۇلگەرگەن.
ماماندار قوي-ەشكى سۋىقتان تۇرا الماي قىرىلعانىن ايتادى. ويتكەنى تۇرعىندار ولاردى ەرتە قىرىقتىققا سالعان, سول سەبەپتى ءتورت ت ۇلىككە سۋىق وتكەن. ءجۇنىن ءازىر قىرىقپاعاندا امان قالار ەدى, دەيدى ۆەتەرينارلار.
«ۇساق مالداردى قىرىققاننان كەيىن جايلاۋعا شىعارعان. سۋىق ءوتىپ كەتكەن مالداردى ۋاقىتىندا باۋىزداپ, سويىپ ۇلگەرىپ, ەتىن تاراتىپ بەرگەن», دەيدى اقتوبە وبلىسى ۆەتەريناريا باسقاراماسى باسشىسىنىڭ مىندەتىن اتقارۋشى يسا بازاروۆ.
