سەن-مارتەن-لە-ۆينۋ مەن لا-پلان قالالارىن جالعاعان تاۋلى كەزەڭدە Bahrain-Victorious كومانداسىنىڭ وكىلى 24 جاستاعى ۋكراينالىق مارك پادۋن مارە سىزىعىن ءبىرىنشى بولىپ كەستى. 171.5 شاقىرىمعا سوزىلعان قاشىقتىقتى ول 4 ساعات 35 مينۋت 07 سەكۋندتا ءجۇرىپ ءوتتى. ەكىنشى ورىندى اۋستراليالىق ريچي پورت (Ineos Grenadiers) يەلەنسە, ۇزدىك ۇشتىكتى «استانا» ۆەلوكومانداسىنىڭ بۇرىنعى وكىلى كولۋمبيالىق ميگەل انحەل لوپەس تۇيىندەدى. ال جەتىنشى كەزەڭدە مارە سىزىعىن 10-شى بولىپ كەسكەن الەكسەي لۋتسەنكو جالپى ەسەپتەگى كوشباسشىلىعىنان ايىرىلىپ قالدى.
ايتا كەتەيىك, جەرلەسىمىز 4-كەزەڭدەگى جەكەلەي جارىستا توپ جارعان بولاتىن. جارىس كەشە مارەسىنە جەتتى.
