قازاقكونتسەرتتىڭ 60-شى مەرەيتويلىق ماۋسىمىندا وتكەن «رەدەەت وبلاكوۆ لەتۋچايا گريادا» اتتى كونتسەرت ەلورداداعى «Qazaqstan» ورتالىق كونتسەرت زالىنىڭ ۇلكەن ساحناسىندا ءوتتى.
كونتسەرتتىك باعدارلاماعا ورىس مۋزىكالىق ءرومانتيزمى داۋىرىندەگى ۆوكالدىق مينياتيۋرالار قوسىلدى. سونداي-اق بۇل كەشتە م.بالاكيرەۆ, م.مۋسورگسكي, ا.بورودين, ن.ريمسكي-كورساكوۆ, تس.كيۋي سىندى اتاقتى كومپوزيتورلاردىڭ ۇزدىك تۋىندىلارى شىرقالدى.
اتالعان شىعارمالاردىڭ پوەتيكالىق نەگىزىن ءحىح عاسىردىڭ ءى جارتىسىندا قالام تارتقان ورىس اقىندارىنىڭ ولەڭدەرى قۇرادى. رومانستارمەن جۇمىس جاساي وتىرىپ, كومپوزيتورلار ءمان-ماعىناعا, پوەتيكالىق ءماتىندى تاڭداۋعا, ونى جۇزەگە اسىرۋدىڭ ەكسپرەسسيۆتى قۇرالدارىنا ۇلكەن تالاپتار قويدى.
«جۇلدىزبەن ءبىر ساحنادا» جوباسىنىڭ ارقاسىندا كورەرمەندەر ارتىستەرگە جاقىن بولا ءتۇسىپ, ەرەكشە شىعارماشىلىق پروتسەسستىڭ قىر-سىرىن تەرەڭىرەك سەزىنە الدى. ورىنداۋشى مەن تىڭداۋشى اراسىنداعى ءدال وسىنداي بايلانىس جاڭا كونتسەرتتەر مەن تۋىندىلاردىڭ پايدا بولۋىنا شابىت بەرىپ, مادەني بايلانىستى ارتتىرا تۇسەدى.
بۇگىنگى كەش – جاڭا جوبامىزدىڭ العاشقى كونتسەرتى. الداعى ۋاقىتتا بۇل جوبا تۇراقتى تۇردە وتكىزىلەدى. «قازاقستان» ورتالىق كونتسەرت زالىنىڭ باس ساحناسى تولىققاندى كامەرالىق زالدىڭ فۋنكتسياسىن اتقاردى. زالدىڭ تاماشا اكۋستيكاسى وسىنداي جاڭا تاجىريبەلەرگە جاقسى مۇمكىندىك بەرىپ وتىر», دەدى قازاقكونتسەرتتىڭ كوركەمدىك جەتەكشىسى تيمۋر ۋرمانچەەۆ.
كونتسەرتتىڭ جاڭا فورماتىمەن ەرەكشە ۇيلەسىم تاپقان «FORTE-TRIO» ارتىستەرىنىڭ كاسىبي شەبەرلىگى كورەرمەننىڭ جوعارى باعاسىن الدى.
«FORTE-TRIO» مەملەكەتتىك تريوسىمەن بىرگە ساحنادا قازاقستاننىڭ ەڭبەك سىڭىرگەن قايراتكەرلەرى ايگۇل نيازوۆا (سوپرانو) مەن ازامات جىلتىركوزوۆ (باريتون) ونەر كورسەتتى.
ارتىستەر ورىسشا رومانستاردىڭ جارقىن ۇلگىلەرىن ورىندادى.
