«الكوگول جانە ەسىرتكىگە ماس بولعان 24 جاستاعى ك.ەسىمدى ەر ادام «ۆاز 21099» كولىگىن جۇرگىزىپ رايىمبەك داڭعىلىمەن باتىسقا قاراي كەلە جاتقاندا, ايالداما جانىندا تۇرعان ءۇش جاياۋ جۇرگىنشىنى قاعىپ كەتتى. زارداپ شەككەندەر ءتۇرلى دەنە جاراقاتىمەن قالانىڭ مەديتسينالىق مەكەمەلەرىنە جەتكىزىلدى», دەپ حابارلادى الماتى قالالىق پوليتسيا دەپارتامەنتىنەن.
اتالعان فاكتىگە قاتىستى قر قىلمىستىق كودەكسىنىڭ 345-بابى 1-بولىمىمەن سوتقا دەيىنگى تەرگەۋ امالدارى باستالدى.
«كۇدىكتى ازامات الماتى پوليتسيا دەپارتامەنتىنىڭ ۋاقىتشا وقشاۋلاعىشىنا قاماۋعا الىندى», دەپ مالىمدەدى دەپارتامەنت باستىعىنىڭ ورىنباسارى ءرۇستام ءابدىراحمانوۆ.
