ناۋرىز ايىندا رەسەيلىك كومپانيانىڭ اكتسيونەرلەرى سايلاۋعا ەكى ۇمىتكەردى ۇسىنعانى تۋرالى حابارلاعان بولاتىن. ونىڭ بىرەۋى – كاماز قىزمەتكەرلەرىنىڭ بىرىككەن باستاۋىش كاسىپوداق ۇيىمىنىڭ توراعاسى كيريلل پۋزىركو بولسا, ەكىنشىسى 2019 جىلدىڭ جەلتوقسانىنا دەيىن قازاقستاننىڭ رەسەي فەدەراتسياسىنداعى توتەنشە جانە وكىلەتتى ەلشىسى قىزمەتىن اتقارعان يمانعالي تاسماعامبەتوۆ.
4 ماۋسىمدا وتكەن جىلدىق جالپى جينالىستا يمانعالي نۇرعالي ۇلى مۇشەلىككە ءوتتى.
«كاماز» جاق – رەسەيلىك كومپانيا, ديزەلدى جۇك كولىكتەرى مەن ديزەلدى قوزعالتقىشتاردى وندىرەدى. سونىمەن قاتار اۆتوبۋستار, تراكتورلار, كومبايندار, ەلەكتر قوندىرعىلارى, جىلۋ شاعىن ەلەكتر ستانسالارى مەن كومپونەنتتەر شىعارادى. نەگىزگى ءوندىرىس نابەرەجنىە چەلنى قالاسىندا ورنالاسقان.
يمانعالي تاسماعامبەتوۆ 1956 جىلى دۇنيەگە كەلگەن. ەلىمىزدەگى ەڭ جوعارعى ساياسي قىزمەتتەردى اتقاردى. قازاقستان ۇكىمەتىن باسقاردى. الماتى مەن استانا قالالارى جانە اتىراۋ وبلىسىنىڭ اكىمى بولدى. پرەزيدەنت اكىمشىلىگىنە جەتەكشىلىك ەتتى. قورعانىس مينيسترلىگىنىڭ دە تىزگىنىن ۇستاعان. سوڭعى قىزمەتى – قازاقستاننىڭ رەسەيدەگى توتەنشە جانە وكىلەتتى ەلشىسى. ول بۇل قىزمەتتەن 2019 جىلدىڭ 18 جەلتوقسانىندا كەتىپ, زەينەتكە شىقتى.
